Доруобуйа харыстабылын министиэристибэтин пресс-сулууспата
Федеральнай уонна эрэгийиэннээҕи бырагыраамаларынан Саха сиригэр кэнники 5 сылга 20 көмпүүтэр томограба атыылаһыллан, балыыһаларга туһанылла сылдьар.
Ол курдук, М.Е. Николаев аатынан Национальнай мэдиссиинэ киинэ, 2 №-дээх Өрөспүүбүлүкэтээҕи балыыһа, «Фтизиатрия» киин, онкологическай диспансер, Өрөспүүбүлүкэтээҕи килиниичэскэй балыыһа, Ньурба, Мэҥэ Хаҥалас, Алдан, Үөһээ Бүлүү, Бүлүү, Горнай, Мииринэй, Хаҥалас, Өлүөхүмэ, Нам, Сунтаар, Томпо, Уус Алдан, Чурапчы, Орто Халыма оройуоннааҕы балыыһалара томограбы ыллылар.
— Аныгы көмпүүтэр томографтарын көмөтүнэн пациеннарга түргэн уонна олус көдьүүстээх диагностика оҥоһуллар. Саамай сүрүнэ, көмпүүтэр томограбыгар «лучевой» ноҕурууската рентгеннээҕэр быдан намыһах. Арассыыйа доруобуйаҕа харыстабылын министиэристибэтин уонна СӨ бырабыыталыстыбатын өйөбүллэринэн, мэдиссиинэ бастыҥ технологиялара дьоҥҥо тиийимтиэ буолалларыгар элбэх оҥоһуллар, — диэн доруобуйа харыстабылын миниистирэ Лена Афанасьева этэр.
Магнитнай-резонанснай томографтар, УЗИ аппарааттара, ангиографтар, маммографтар уонна рентген аппарааттара, көмпүүтэр томографтара өрөспүүбүлүкэҕэ «Доруобуйа харыстабыла» национальнай бырайыак чэрчитинэн кэлэллэр.
Доруобуйа харыстабылын министиэристибэтин пресс-сулууспата
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…