Хаартыска: Лента.ру
Биир киһи бары бааннарга 20-тэн элбэх каарталаах буолара, оттон биир бааҥҥа 5-тэн элбэх каарталанара көҥүллэммэт диэн бырабыыталыстыба бэлэмнээбит сокуонун барылын саҥардыллыбыт көрүҥэр этиллэр.
Бырабыыталыстыба кибер-түөкүннээһини утары охсуһуу миэрэлэрин иккис «бакыаттарын» киллэрэр, ол туһунан «Российская газета» суруйар. Урут бырабыыталыстыбаҕа уонча каарта лимиитин киллэрэр туһунан этии киллэрэн тураллар, ол көдьүүһэ суоҕа көстүбүтэ.
«Бары бааннар биир киһиэхэ 20-тэн элбэҕэ суох төлөбүр каартатын, оттон биир баан 5-тэн элбэҕэ суох каартаны биэриэхтэрин сөп, өскөтүн өссө элбэх ахсааны Арассыыйа Баанын дириэктэрдэрин сэбиэтэ быһаарбатаҕына», — диэн сокуон барылын уларытыллыбыт көрүҥэр этиллэр.
Бэрэбиэркэлиир сыалтан, килийиэҥҥэ каартаны биэриэхтэрин иннинэ, бааннар биир кэлим төлөбүрдээх каарта учуотун систиэмэтиттэн лимиит тиийбэтин туһунан информацияны ирдиэхтээхтэр. Бу сокуон барылын урукку көрүҥэр киирбэтэҕэ. Ону тэҥэ, кинилэр бу систиэмэҕэ бэриллибит каарта туһунан информацияны «Арассыыйа Баана» олохтообут ньыматынан, болдьоҕунан уонна көрүҥүнэн тута биэрэллэрэ ирдэнэр.
Национальнай үп ырыынагын сэбиэтин (НСФР) салайааччы Андрей Емелин этэринэн, каарта ахсаанын уопсай хааччахтааһын бааннартан төлөбүр каарталарын туһунан информацияны онлайн ньыманан, ол аата хас сөкүүндэ аайы, тутар уонна ыытар систиэмэни оҥорууну ирдиэҕэ. Бу уустук тэхиньиичэскэй соруктары үөскэтэр уонна ороскуоттаах буолар.
Саха сирин сүүмэрдэммит хамаандатын тустууга Күндүл Местников Хабаровскайга алтынньы 15-17 күннэригэр эр дьоҥҥо ыытыллыбыт «Ерофей…
Дьыл кэмин уларыйыытыгар быыһааччылар көмөлөрө дьоҥҥо эрэ буолбакка, кыылларга-сүөллэргэ эмиэ ирдэнэр. Ленскэй улууһугар Саха сиринээҕи…
2025 сыл алтынньы 16 күнэ. А.С. Пушкин аатынан Нуучча судаарыстыбаннай тыйаатырын киэҥ уораҕайыгар хомуһу сэҥээрээччилэр…
Өлүөхүмэ улууһугар эргэ уонна саахалланар туруктаах дьиэттэн дьону көһөрүү бырагыраамата ситиһиилээхтик үлэлиир. 2019 сылтан саҥа…
Чурапчыга “Аҕа – ыал олоҕун сүрүннээччи, кэскиллээх өйү-санааны киллэрээччи” диэн аҕаларга, эр дьоҥҥо анаммыт пуорум…
Безени миксэрдээбэккэ, духуопката суох астыахха сөп дуо? Олус судургу! Классическай безены оҥорорго аҕыйах ингредиент наада,…