20 тыһыынчаттан тахса Георгиевскай лиэнтэ түҥэтилиннэ

Бүтүн Арассыыйатааҕы «Георгиевскай лиэнтэ» аахсыйа иитинэн, өрөспүүбүлүкэ олохтоохторугар волонтердар Георгиевскай лиэнтэни түҥэтэллэр.

Дьокуускайга Кыайыы волонтердара лиэнтэлэри Кыайыы, Доҕордоһуу, Ленин, Орджоникидзе болуоссаттарыгар, «Московскай» эргиэн киинин иннигэр былаһааккаҕа уонна Кыайыы пааркатыгар 16:00 — 19:00 ч. дьоҥҥо түҥэтэллэр.  Өрөспүүбүлүкэ улуустарыгар уопсастыбаннай миэстэлэргэ, искибиэрдэргэ, былаһааккаларга түҥэтэллэр.

«Георгиевскай лиэнтэ» аахсыйа ыам ыйын 9 күнүгэр диэри ыытыллар.

«Кыайыы волонтердара» Арассыыйатааҕы уопсастыбаннай хамсааһын эрэгийиэннээҕи отделениетын салайааччытын э.т. Тимур Егоров иһитиннэрбитинэн, күн бүгүн 20 тыһыынчаттан тахса Георгиевскай лиэнтэ түҥэтилиннэ.