200-тэн тахса киһи Арассыыйатааҕы «Буойун» киин турнирыгар кыттыаҕа

200-тэн тахса киһи Арассыыйатааҕы «Буойун» киин турнирыгар кыттыаҕа. Турнир бу сыл балаҕан ыйыгар ыытыллыаҕа. Бу туһунан РФ Бырабыыталыстыбатын бэрэссэдээтэлин солбуйааччы — РФ бэрэсидьиэнин боломуочуйалааҕа Юрий Трутнев иһитиннэрдэ.

Байыаннай-тактическай күрэхтэһии 210 кыттааччыны түмүөҕэ. Турнир сыала-соруга — кыттааччылары киһи быһыытынан сайыннарыы. Итиэннэ байыаннай бэлэмнэнии билиитин, ньымаларын бигэргэтии, Аҕа дойдуну көмүскүүргэ бэлэм буолууга үлэлэһии буолар.  Турнир ыытыллыытын  «Буойун» инструктордара, ону сэргэ БПЛА оператордара, эвакуационнай хамаанда  көрүөхтэрэ.

Былаан быһыытынан күрэхтэһиигэ уоннуу киһилээх хамаандаҕа арахсан күрэхтэһиэхтэрэ.  Хамаандаҕа хамандыыр, снайпер, БПЛА оператордара, ытааччы, сапер уонна санитар  баар буолуохтара.

Маныаха майгынныыр күрэхтэһии ыам ыйын 27 күнүгэр Хабаровскай филиалын курсааннарыгар ыытыллыбыта.

Бэлиэтээн суруйдахха, «Буойун» киин филиаллара Арассыыйа 21 эрэгийиэнигэр аһыллыбыта.