2016 сыллаах оҕоҕо ыт саба түһүүтүнэн борокуратуура бэрэбиэркэ ыытта

СӨ Борокуратуурата иһитиннэрэринэн,  Алдан куоракка  Серебробскай аатынан  уулуссаҕа 2016 с. төрүөх оҕоҕо хаһаайыннаах ыт саба түһэн, илиититтэн ытырбыт.

Оройуон борокуратууратыгар эмсэҕэлээбит оҕо ийэтэ үҥсүбүт. Оҕо ыт саба түһүүтүттэн доруобуйата эрэ буолбакка, уйулҕа өттүнэн эмиэ эмсэҕэлээбит. Онон, оройуон борокуратуурата суукка оҕо интэриэһин көмүскүүр уонна ыттаах хаһаайынтан моральнай төлөбүрү уйунарыгар ирдэбил түһэрбит.

Борокуруор ирдэбилэ көрүүгэ уонна хонтуруолга сылдьарын туһунан СӨ Борокуратууратын пресс-сулууспата иһитиннэрэр.