“Доруобуйа харыстабыла” национальнай бырайыак доруобуйа харыстабылын бастакы сүһүөҕүн саҥардыы бырагырааматыгар сүрүн хайысхалартан биирдэстэринэн мэдиссиинэ массыынатынан хааччыйыы буолар.
2022 сылга 53 мэдисиинэ тырааныспарын атыылаһыыга үбүлээһин илимиитэ 85 мөл солк этэ, итинтэн 61 мөл 660 тыһ солк. федеральнай бүддьүөттэн киирбитэ.
Ол курдук, 2022 сыл бэс ыйыгар өрөспүүбүлүкэ мэдиссиинэ тэрилтэлэригэр 31 тырааныспары ылбыттара, сүрүннээн биэлсэр-акушер пууннарыгар уонна быраас амбулаторияларыгар анаан.
От ыйыгар Саха сирин мэдиссиинэ тэрилтэлэрэ “УАЗ” мааркалаах 10 массыынаны ылбыттара. Ол курдук, Томпо оройуонун Теплай Ключ сэлиэнньэтин быраас амбулаторията, Булуҥ оройуонун Күһүүр амбулаторията, Мэҥэ Хаҥалас Хаптаҕайдааҕы амбулаторията, Сунтаар Кутанатааҕы амбулаторията, Үөһээ Бүлүү Далыр сэлиэнньэтин уопсай практика быраас офиһа, Ньурба Маалыкайдааҕы амбулаторията, Мииринэй оройуонун Чернышевскай куораттааҕы балыыһата, Хаҥалас улууһунааҕы Мохсоҕоллоох оҕо поликлиниката уонна Амма уонна Өлүөхүмэ оройуоннарын киин балыыһалара.
Балаҕан ыйыгар өрөспүүбүлүкэҕэ ханна баҕарар сылдьар кыахтаах Арассыыйатааҕы КамАЗ шасситыгар олохтоммут элбэх секциялаах фургон баазатыгар офтальмологическай көһө сылдьар ураты комплекс кэлбитэ. Бу массыына араас усулуобуйаҕа сөп түбэһэр бары наадалаах тэриллэрдээх.
Ахсынньы 1 күнүгэр Дьокуускайга УАЗ мааркалаах 12 анал массыынаны Үөһээ Халыма, Ленскэй, Муома, Өймөкөөн, Таатта, Уус Алдан, Усуйаана, Хаҥалас оройуоннарын киин балыыһаларыгар, Айхал куораттааҕы балыыһатыгар, ону тэҥэ Дьокуускайга Суһал көмө ыстаансыйатыгар түҥэппиттэрэ.
Онон 2021 уонна 2022 сылларга Саха сирэ мэдиссиинэ 100 тахса анал массыынатын, ол иһигэр КаМАЗ баазатыгар 14 көһө сылдьар мэдиссиинэ комплексын, биир офтальмологическай көһө сылдьар комплексы уонна паллиативнай көмөнү оҥорорго 4 массыынаны ылла.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: СИА уонна Дьокуускай к. офтальмология клиническэй балыыһатын түһэриилэрэ
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…