Хаартыска "Саха" НКИИХ сайтыттан
«Уһук Илин уокурукка Саха сирэ социальнай-экэнэмиичэскэй сайдыытын уонна эрэгийиэннээҕи баалабай бородуукта үрдээһинин көрдөрүүтүгэр лиидэринэн буолабыт», — диэн Ил Дархан Айсен Николаев «Якутия24» ханаал «Якутия, вперед» биэриитигэр иһитиннэрдэ.
Ону сэргэ, Уһук Илиҥҥи федеральнай уокурук боломуочуйалаах бэрэстэбиитэлэ Юрий Трутнев үгэс буолбут тохсунньутааҕы Уһук Илиҥҥи эрэгийиэннэр салайааччыларын кытта көрсүһүүтүн кылгастык кэпсээтэ. Бырамыысыланнас уонна дохуот чааһа үрдүүрүгэр улахан соруктар туралларын эттэ.
«Бу сыллар тухары өрөспүүбүлүкэ да, федеральнай да бүддьүөт суотугар 300-чэ улахан социальнай эбийиэктэр тутулуннулар. Быйыл өссө улахан соруктар тураллар. Биһиги 72-тэн итэҕэһэ суох социальнай эбийиэги тутар санаалаахпыт, ол иһигэр Саха сирин историятыгар аан бастаан, 20-тэн аҕыйаҕа суох оскуоланы тутуохтаахпыт. Бу олус суолталаах сыыппара, онуоха бу кыра эрэ буолбакка, улахан оскуолалар эмиэ бааллар. Олус улахан боппуруос, манна сүрүннүүр үлэ сөпкө барыан наада», — диэн Айсен Николаев эттэ.
Тустаах тэрилтэлэр, хонтуруоллуур уорганнар өттүлэриттэн бииргэ үлэлээһин баран, оҕолорбут үчүгэй хаачыстыбалаах, тупсаҕай оҥоһуулаах оскуолаларга үөрэнэ киириэхтэрэ диэн эрэнэрин биллэрдэ.
2023 сыл историяҕа Учуутал уонна уһуйааччы сылынан эрэ буолбакка, өрөспүүбүлүкэҕэ 20-тэн тахса оскуола биир сылга тутуллан киирбитинэн аттаныа диэн эттэ Ил Дархан.
Электронаай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…