2023 сыл түмүгүнэн Саха сирин экэниэмикэтэ бигэ туруктаах
01.01.2024, 20:01
СИА. Хаартыскаҕа Андрей Сорокин түһэриитэ
Бөлөххө киир:
Саха сиригэр эрэгийиэннээҕи баалабай бородууктаны оҥоруу ааспыт 2023 сылга 2,3 трлн солк. тэҥнэһэр, үрдээһин 3,5 %. СӨ Экэниэмикэҕэ министиэристибэтэ 2023 сыл тохсунньу -сэтинньи ыйдар көрдөрүүлэрин түмүктэрин таһаарда.
«Саха сирин экэниэмикэтэ Уһук Илиҥҥи уокурукка инникилиир балаһыанньатын бигэтик тутар. Сылтан сыл өрөспүүбүлүкэбитигэр гааһы уонна ньиэби хостооһун үрдүүр. Алмааһы, таас чоҕу уонна көмүһү хостооһун кээмэйэ биир кэм турара ситиһиллэр», – диэн Ил Дархан Айсен Николаев быһаарар.
2023 сыл тохсунньу-сэтинньи ыйдарыгар гааһы хостооһун улааппыт, былырыыҥҥыны кытта тэҥнээтэххэ, үрдээһин 13,1 %.
2023 сыл тохсунньу-сэтинньи ыйдарын түмүгүнэн сүрүн инвестиционнай хапытаалы киллэрии кээмэйэ 601,4 млрд солк. тэҥнэһэр, былырыыҥҥыны кытта тэҥнээтэххэ, 9,3 %. 2023 сыл 11 ыйын түмүгүнэн тутуу үлэтин кээмэйэ 231,6 млрд солк. Ааспыт сылы кытта тэҥнээтэххэ, улаатыы 21,1 % .
2023 сыл тохсунньу-сэтинньи ыйдарыгар Саха сирин үрдүнэн 552,6 тыһ. кв м иэннээх олорор дьиэ тутуллара ситиһиллибит. Үрдээһин 10,9 %-ҥа тэҥнэһэр. Чааһынай тутааччылар барыта 330,2 тыһ. кв м иэннээх дьиэни тутан үлэҕэ киллэрбиттэр. 2023 сыл сэтинньи ыйынааҕы түмүгүнэн биирдиилээн атыы-кутуу эргиирэ 306 млрд 202,2 мөл. солк буолбут, үрдээһин 4,7 %-ҥа тэҥнэһэр.
2023 сыл тохсунньу-сэтинньи ыйдарыгар оробуочай үлэһит ахсаана 517,1 тыһ. буолбут, ааспыт сылы кытта тэҥнээтэххэ, 14,4 тыһ. киһинэн элбээбит. Үлэтэ суох буолуу көрдөрүүтэ 0,9 %-нан түспүт. Сыыппаранан ытаһалыыр буоллахха, үлэтэ суох буолуу 3,6 тыһ. киһинэн кыччаабыт.
Сообщить об опечатке
Текст, который будет отправлен нашим редакторам: