Хаартыска sakha.gov.ru ылылынна
Социальнай хантараак диэн өрөспүүбүлүкэ көмөтүн туһанан 2023 сыл иһигэр Саха сиригэр 5100 ыал бэйэ дьыалатын аста уонна хаһаайыстыбатын тупсарда.
Бу өҥөнү туһанааччылар урбаан араас хайысхатын талаллар – сорохтор дьону аһатар кафе арыйбыттар, куурусса атыылаһан сымыыт атыытынан дьарыктаммыттар эмиэ бааллар. Социальнай хантараагы түһэрии биэс сыл анараа өттүгэр саҕаламмыта, ол тухары 15 тыһыынча дьиэ кэргэн бу көмөнөн туһаммыт.
Холобур, элбэх оҕолоох ийэ, Татьяна Ли-Фу бу үбү туһанан таҥас тигэргэ аналлаах тэриллэри атыыласпыт. Билигин кини бэрт ситиһиилээхтик үлэлиир таҥнар таҥаһы тигэр тэрилтэ хаһаайката.
“Судаарыстыба саҥа саҕалаан эрэр урбаанньыттарга улахан суолталаах көмөнү оҥорорун туһунан истэн итэҕэйбэт этим. Оттон билигин тус бэйэм бу көмөнү ылбыт киһи буолан, күүстээх өйөбүл чахчы оҥоһулларын билэбин. Атын да дьон социальнай хантараагы туһанан олохторун лаппа тупсарбыттарын көрөбүн, билэбин. Маннык үлэни ыыталларын иһин Арассыыйа Бэрэсидьиэнигэр Владимир Путиҥҥа, Ил Дархаммытыгар Айсен Николаевка махталым муҥура суох!”, — диир Татьяна Ли-Фу.
Социальнай хантараак “Демография” национальнай бырайыак иитинэн оҥоһуллар судаарыстыба өйөбүлүн көрүҥэ. Бу бырайыак Арассыыйа Бэрэсидьиэнэ Владимир Путин көҕүлээһининэн саҕаламмыта.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…