СӨ бырабыыталыстыбатын бэрэссэдээтэлин бастакы солбуйааччыта Дмитрий Садовников алтынньы 20 күнүгэр тутуу салаатын бэрэстэбиитэллэрин кытта көрүстэ.
Мунньахха бу эйгэҕэ тирээн турар боппуруостары ырыттылар, ол иһигэр бу сылга дьиэни тутуу тэтимириэхтээҕин туһунан былаан ырытылынна.
Дмитрий Садовников өрөспүүбүлүкэ тутааччыларын иннигэр ситиһиллибит тутуу тэтимин ыһыктыбакка, национальнай бырайыактар уонна стратегическай былааннааһын сыалларын толорор сорудах турарын туһунан эттэ.
Быйылгы тутуу былаанынан өрөспүүбүлүкэҕэ 650 тыһ. кв.м. олорор дьиэ тутуллан олоххо киириэхтээх – бу ааспыт сыллааҕар 66 тыһ. кв.м. элбэх.
“Сыл аайы тутуу тэтимэ үрдүү туруохтаах. 2030 сылга Дьокуускай куоракка хаарбах дьиэттэн көһөрүү үлэтин түмүктүөх тустаахпыт. Тутуу салаата Саха сирин экэниэмикэтин үүнүүтүн өрө анньар күүһэ буолар. Уһук Илиҥҥи эрэгийиэҥҥэ биһиги өрөспүүбүлүкэбит тутуу хайысхатыгар иккис миэстэҕэ турар. Элбэҕи ситистибит, онно тутааччылар өҥөлөрө улахан. Бары бииргэ туруоруллубут сорудахтары толоруохпут диэн бүк эрэнэбин”, — диэн эттэ Дмитрий Садовников.
Тутуу эйгэтигэр федеральнай киинтэн сүүнэ улахан өйөбүл оҥоһуллар.
Билигин биһиги эрэгийиэммитигэр 80-тан тахса бүддьүөттэн үбүлэнэр тутуу ыытылла турар, биир кэмҥэ 136 элбэх кыбартыыралаах дьиэлэр тутулла тураллар.
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …
Ил Дархан Айсен Николаев сэтинньи 8 күнүгэр тутууга суһал ыстаап мунньаҕын ыытта. Мунньахха "Көхтөөх, уһун…
Сунтаарбыт Айыы арчытын түөлбэтэ ураты кэрэ, остуоруйа дойдута. Бу түөлбэҕэ киирээти кытта Августина, Юрий Мишаковтар…
Балаҕан ыйын бүтүүтэ Усуйаана улууһугар олохтоохтор Кыһыл Кинигэҕэ киллэриллибит сэдэх көтөрү, соҕотох сылдьар кыталык оҕотун…
Итинник ааттаах дьоро күн Михаил Пухов дириэктэрдээх Лөгөй интэринээт-лиссиэй оскуолатыгар бэрт тэрээһиннээхтик ыытылынна. Үгэскэ кубулуйбут…
2017 сыллаахха Саха сиригэр дьикти түгэн буолбута - Хотугулуу-Илиҥҥи федеральнай университет уонна Соҕуруу Корея Sooam…