2023 сылга Дьокуускайга биир кэмҥэ рекорднай ахсааннаах үөрэх эбийиэктэрэ тутуллубуттар

2023 сылга Дьокуускайга РФ Бэрэсидьиэнэ Владимир Путин көҕүлээбит  «Үөрэхтээһин» национальнай бырайыак иитинэн биир кэмҥэ алта эбийиэк тутуллубут. Киин куоракка бырайыак олоххо киирэригэр диэн ааспыт сылга барыта 1,8 млрд солк. көрүллүбүт.

Ол курдук, 26-с №-дээх уонна Хатас оскуолаларыгар эбии тутуулар, Саха политехническэй оскуолаҕа кванториум үлэҕэ киирбиттэр. Итиэннэ 13 оскуола саҥардыллыбыт уонна өрөмүөннэммит.

Ааспыт сыл сэтинньитигэр Ленин проспегар баар 1-кы №-дээх оскуола тутуутун бырайыага судаарыстыбаннай эспэртиисэни ааспыт. Итиэннэ 17-с №-дээх оскуолаҕа, Глобальнай үөрэхтээһин киинигэр эбии тутуулар докумуоннара оҥоһуллаллар.