2023 сылга интернети туһанан буруйу оҥоруу 2919 түбэлтэтэ тахсыбыт

ИДьМ Саха сиринээҕи холуобунай ирдэбилин салалтатын статистическай дааннайынан, 2023 с. социальнай инженерия ньымаларын уонна интернети туһанан буруйу оҥоруу 2919 түбэлтэтэ бэлиэтэммит.

2022 сылы кытары тэҥниир буоллахха, бу хайысхаҕа буруйу оҥоруу 33,1% үрдээбит.

Бу интернети туһанан буруйу оҥорууттан түөкүннээһинэ – 2206, дьон счеттарыттан уоруу – 713.

Саха сирин олохтоохторугар уопсайа 946 мөл. солк. хоромньу оҥоһуллубут диэн иһитиннэрэр СӨ ИДьМ пресс-сулууспата.