Мас тардыһыытын аан дойдутааҕы федерацията 2023 сылга аан дойду чемпионатын ыытарга быһаарда. Урут маннык күрэхтэһиилэр икки сылга биирдэ буолаллара.
«Биһиги бу национальнай көрүҥмүт олимпиадаҕа төһө баҕарар киллэриллэр кыахтаах, аан дойду чемпионаттара мас тардыһыыта салҕыы сайдарыгар саҥа тэтими биэрэллэр”, — диэтэ Ил Дархан Айсен Николаев.
Мас тардыһыытын аан дойдутааҕы федерациятын састаабыгар 52 национальнай федерация, онтон бүтүн Арассыыйатааҕы федерацияҕа 63 эрэгийиэннээҕи федерация уонна отделение киирэллэр.
Аан дойдутааҕы федерация генеральнай сэкирэтээрэ Арнольд Мохов эппитинэн, чемпионат Узбекистан Хива куоратыгар этно-успуорт аан дойдутааҕы бэстибээлин чэрчитинэн тэриллиэҕэ. Барыллаан көрүүнэн, күрэхтэһиилэр балаҕан ыйыгар буолуохтара.
Ону таһынан мас тардыһыытын аан дойдутааҕы кубогын ыытыы көрүҥэ уларыйда. Билигин хамаандалар бу сыл бүтүүтэ “бэйэ бэйэлэриниин” киирсиэхтэрэ. Маныаха диэри турнир түһүмэхтэринэн ыытыллара.
Санатан эттэххэ, мас тардыһыытын аан дойдутааҕы чемпионата 2022 сыл бэс ыйыгар Дьокуускайга буолбута. Манна Европа, Азия, Африка уонна Соҕуруу Америка дойдуларын киллэрэн туран, 42 дойдуттан 140-ча спортсмен кэлэн кыттыбыта. 17 дойду бэрэстэбиитэллэрэ мэтээл ылан, илии тутуурдаах, өттүк харалаах төннүбүттэрэ.
Саха сиригэр сааскы халаан эрдэ сабаҕалааһын быһыытынан саҕаланна. Ленскэй, Өлүөхүмэ, Амма уонна Алдан оройуоннарыгар үс…
Саха сиригэр сааскы булт кэмэ муус устар 25 күнүттэн саҕаламмыта. Ити күнтэн, иитиэх кустары мончуук…
Бүтүн Арассыыйатааҕы "Георгиевскай лиэнтэ" аахсыйа иитинэн, өрөспүүбүлүкэ олохтоохторугар волонтердар Георгиевскай лиэнтэни түҥэтэллэр. Дьокуускайга Кыайыы…
Улуу Кыайыы күнүн көрсө «Тиэргэнинэн ыллыыбыт» аахсыйа Дьокуускай куорат уокуругун Марха түөлбэтиттэн саҕаланна. 98 саастаах…
Ааспыт сууккаҕа өрөспүүбүлүкэҕэ буруйу оҥоруу 6 түбэлтэтэ бэлиэтэннэ. Алдан оройуонугар 1998 сыллаах төрүөх киһи доруобуйатын…
Улуу Кыайыы 79 сылыгар аналлаах ытык дьоммутун кэриэстиир Бүтүн Арассыыйатааҕы “Өйдөбүнньүк чүмэчитэ” аахсыйа ыам ыйын…