РФ Билимҥэ уонна үрдүк үөрэххэ министиэристибэтэ 2023 сылга бакалавриат, специалитет, магистратура бырагыраамаларыгар үөрэххэ ылыы быраабылатыгар уларытыылары киллэрдэ. Туох уларыйыы киирдэ?
Саҥа быраабылаҕа олоҕуран абитуриент икки сайабылыанньаны тэҥинэн биэрэр, ол иһигэр федеральнай хааһынаттан көрүллэр үп суотугар үөрэххэ, ону тэҥэ, дуогабарынан төлөбүрдээх миэстэлэргэ.
Аны бу иннинэ абитуриент 10 үөрэххэ тэҥинэн куонкурустаһар кыахтаах эбит буоллаҕына, билигин бакалавриакка уонна специалитекка туттарсыыга 10-тан 5-кэ диэри көҕүрээбит. Тоҕо? Оччотугар абитуриент кыаҕын биир эйгэҕэ түмүө, инники талар идэтин, эксээмэннэрин туттарарыгар сөпкө быһаарыныа, үөрэх хайысхатын, исписээлинэһи таларыгар эппиэтинэһи сүгүө диэн ыйаллар.
Итини сэргэ, үөрэх бары көрүҥэр бүддьүөт миэстэлэригэр үөрэххэ ылыы болдьоҕо, ол иһигэр эбии үөрэххэ ылыы барыларыгар биир кэмҥэ барар буолбут. Бу иннинээҕи сылларга кэтэхтэн салааҕа үөрэххэ ылыы болдьоҕун хас биирдии университет бэйэтэ быһаарара. Эһиилгиттэн үөрэх бары көрүҥэр биир кэлим эксээмэн (ЕГЭ) түмүгүнэн докумуону тутуу больдоҕо от ыйын 20 күнүттэн эрдэлиэ уонна от ыйын 25 күнүттэн хойутуо суохтаах. Үөрэххэ ылыы эбии болдьоҕо атырдьах ыйын 29 күнүттэн хойутаабакка түмүктэниэ.
Өссө ГТО бэлиэтигэр сыһыаннаах уларыйыы киирбит. Ол курдук, мантан инньэ ГТО бэлиэтин РФ Успуорка министиэристибэтин эбэтэр ГТО Бүтүн Арассыыйатааҕы физкултуура-успуорт комплексын саайтарыгар бигэргэттэриэххэ сөп. Санатан эттэххэ, ГТО бэлиэтин иһин үөрэххэ туттарсааччыларга баал эбиллэр. Ол иһин оскуоланы бүтэрэр оҕолор ГТО туттарарга дьулуһаллар.
Үөрэххэ туттарсыы саҥа быраабылата 2023 сыл кулун тутар 1 күнүттэн олоххо киирэр уонна 2027 сыл балаҕан ыйын 1 күнүгэр диэри үлэлиир диэн ыйыллар.
Сиһилии РФ Билимҥэ уонна үрдүк үөрэххэ министиэристибэтин саайтыгар ааҕыаххытын өп.
Хаартыска: СИАтан.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…