2024-2025 үөрэх дьылыгар үрдүк үөрэх кыһаларыгар 592 тыһ. кэриҥэ бүддьүөт миэстэтин көрүөхтэрэ

Сэтинньи 1 күнүгэр диэри РФ Билимин уонна үрдүк үөрэҕин министиэристибэтэ туһааннаах бирикээһи таһаарыаҕа диэн РГ саайта суруйар.

— Кэлэр сылга дойду үрдүк үөрэҕин кыһаларыгар бүддьүөт миэстэтин уопсай ахсаана эбиллиэҕэ итиэннэ 591 тыһ. 967 миэстэҕэ тэҥнэһиэҕэ – диэн РФ Бырабыыталыстыбатын вице-премьера Дмитрий Чернышенко иһитиннэрбит. — Бу быйылгытааҕар 2 тыһ. кэриҥэ миэстэнэн элбэх. ЛНӨ, ДНӨ, Херсонскай уонна Запорожскай уобаластар университеттарыгар бүддьүөт миэстэтин туспа бэрээдэгинэн үллэриэхтэрэ.

Чернышенко бэлиэтээбитинэн, ордук элбэх миэстэни инженердэри бэлэмнээһин бырагырааматыгар эбэри былаанныыллар, манна 2281 миэстэни чорботон тыырыахтара. Бу технологическай каадыры хааччыйыыны күүһүрдүөҕэ.

Ону тэҥэ, “Доруобуйа харыстабыла уонна мэдиссиинэ билимэ”, “Машиностроение”, “Информатика уонна вычислительнай тиэхиньикэ”, “Электро уонна теплоэнергетика” бөлөҕөр туттарсар абитуриеннарга бүддьүөт миэстэтэ элбэх буолуоҕа диэн РГ саайт суруйар.