2024 с.т. оҕо суол саахалыгар эчэйдэ

Ааспыт сууккаҕа Дьокуускайга сэттэ суол саахала буолбутун, онно икки киһи эчэйбитин туһунан киин куораттааҕы ГАИ иһитиннэрэр.

Ахсынньы 2 күнүгэр Лермонтов уонна Кеша Алексеев уулуссалар быһа охсуһууларыгар Nissan Almera массыына 36 саастаах суоппара Каландаришвили уулуссатын диэки айаннаан иһэн, светофор бобор сигналыгар айаннаабыт уонна 26 саастаах суоппар ыытан испит Doosan DX190WA экскаваторын кытта харсыспыт. Иномарка 35 саастаах пассажирын балыыһаҕа илдьибиттэр.

Онтон киэһэ 20 чаас саҕана Чехов уонна Новай уулуссалар быһа охсуһууларыгар Toyota Gaia массыынаны ыытан испит 29 саастаах суоппар Каландаришвили уулуссатын туһаайыытынан айаннаан иһэн, Toyota Prius массыынаҕа суолу биэрбэккэ харсыспыттар. Toyota Prius массыынаҕа олорсон испит 2024 с.т. оҕо эчэйбит.