Хаартыска: Мария Васильева, СИА.
Үрдүк технологичнай Жатайдааҕы судоверфь тутуутун көрөн баран, Бырабыыталыстыба Бэрэссэдээтэлэ Кирилл Бычков 2024 сыл бүтүүтэ Жатайдааҕы судоверфь тутуутун бастакы түһүмэҕин сүрүн үлэлэрэ бүтүөхтэрэ диэтэ итиэннэ кэлэр сылга эбийиэги бэрэбиэркэлээн үлэлэтэн көрүөхпүт диэн эбэн эттэ.
Кирилл Бычков дойдуга да, өрөспүүбүлүкэҕэ да наадалаах эбийиэккэ тутуу хайдах бара турарын кэрийэ сылдьан көрдө. Үлэ хаачыстыбатыгар, бырайыак докумуонун бары усулуобуйатын тутуһан оҥороллоругар сүрүн болҕомтотун уурда.
СӨ премьерэ эбийиэккэ туран эрэн, министиэристибэлэр, биэдэмистибэлэр уонна бэдэрээттэһэр тэрилтэлэр салайааччыларын кытта суһал мунньаҕы ыытта. Эстакаданы, уу аалларын түһэрэр суолу оҥорууга, технологическай оборудованиены атыылаһыыга хас да суһал быһаарыы ылылынна.
СӨ бырабыыталыстыбатын баһылыга эбийиэк дойду уонна эрэгийиэн салалтатын болҕомтотун ортотугар баарын санатта.
— СӨ Баһылыга Айсен Николаев Жатайдааҕы судоверфи тутуу бастакы түһүмэҕин бүтэриини түргэтэтэр соругу туруорбута. Арктиканы сайыннарыыга эбийиэк стратегическай суолталаах, — диэн бэлиэтээтэ Кирилл Бычков.
Биллэн турар, кээмэйинэн уонна технология өттүнэн уустугунан баһырхай бырайыак. Ким да ирбэт тоҥҥо маннык эбийиэги тута илигэ. Бүгүҥҥү күҥҥэ үлэ түргэтээбит, көрүллүбүт болдьоҕун тутуһан баран иһэр диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…