2024 сылга 14 хочуолунай үлэҕэ киирдэ

Өрөспүүбүлүкэҕэ 2024 сылга уопсайа 193,76 МВт кыамталаах 14 хочуолунайы үлэҕэ киллэрдилэр диэн ОДьХК уонна энергетика министиэристибэтэ иһитиннэрдэ.

Саҥа хочуолунайдар Амма сэлиэнньэтигэр, Мэҥэ Хаҥалас  Хапчаҕайыгар,  Балыктааҕар, Томпо Кириэс Халдьаайытыгар,  Өймөкөөн Биэрэк Үрдүгэр, Дьааҥы Баатаҕайыгар, Алдан Улахан Нимныырыгар, Дьокуускай Марха,  Звезднай түөлбэлэригэр, Сэргэлээхтиир суолга  киирдилэр.

Маны таһынан Амма Абаҕатыгар, Чурапчы Толоонугар, Таатта Чычымаҕар, Боробулугар тутулуннулар. Итиэннэ Уус Алдан Бопоҕонугар икки эбийиэк тутулла турар.