2024 сылга 25 пиэрмэр грант ылан туһанна

Дойду Аҕа баһылыга Владимир Путин көҕүлээбит  «Дьоҕус уонна орто урбаан» национальнай бырайыак иһинэн үлэлиир «Акселерация субъектов МСП»  федеральнай бырайыак иитинэн, ааспыт сылга өрөспүүбүлүкэ   25  пиэрмэрэ   уопсайа 157 мөл. солк. суумалаах грант ылары ситистэ. 

2019 сылтан  «Агростартап» уонна  «Семейная ферма»  граннар  244  пиэрмэргэ бэрилиннилэр.

Уопсайа алта сыл иһигэр өрөспүүбүлүкэ пиэрмэрдэрэ  1,3 млрд солк. грант ыллылар. Мантан 1 млрд солк.  федеральнай бүддьүөттэн көрүлүннэ.

Ил Дархан  Айсен Николаев Ил Түмэҥҥэ Туһаайан этиитигэр,  сүрүн түмүк — тыа хаһаайыстыбатын бары  хайысхаларынан үрдүк хаачыстыбалаах бородууксуйаны  оҥорон таһаарыы  элбээһинэ  буолар диэн бэлиэтээн эппитэ.

Саха сирин пиэрмэрдэрэ  тыа хаһаайыстыбатын баалабай бородууксуйатын  24% бырыһыанын  оҥорон таһаараллар (уопсайа 8,5 млрд солк.).