Хаартыска: sakha.gov.ru саайтан.
СӨ Физическэй култуураҕа уонна успуорка министиэристибэтин 6 стационарнай уонна биир күнүскү физкултуурунай-чэбидигирдэр лааҕырыгар иккис сезон түмүктэнэн эрэр.
Барыта 989 оҕо хабылынна, ол иһигэр 201 өрөспүүбүлүкэ сүүмэрдэммит хамаандаларын чилиэнэ, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Оҕолор Чурапчы, Сунтаар, Хаҥалас, Нам, Алдан уонна Уус Алдан улуустарыгар эрчиллэ таарыйа сынньаннылар. Кинилэр ортолоругар байыаннай дьайыы кыттыылаахтарын оҕолоро аҕыйаҕа суохтар. Маны тэҥэ спортивнай лааҕырдарга элбэх оҕолоох дьиэ кэргэттэртэн 109 оҕо сынньанна.
Мындаҕаайыга Д.П.Коркин аатынан олимпийскай эрэллэри бэлэмниир Чурапчытааҕы спортивнай интэринээт-орто оскуолатын баазатыгар оҕолор оҕунан ытарга, дуобакка уонна көҥүл тустууга маастарыстыбаларын чочуйдулар
Уус Алдаҥҥа Өнөр күөл кытыытыгар “Чубучааны” спортивнай базаҕа “Олимп” лааҕыр 44 иитиллээччитэ сынньанна.
Хаҥалас улууһун Үөһээ Бэстээҕэр О.Г. Гребнев аатынан “Лэглэгэр” спортивнай-чэбдигирдэр лааҕырга боксанан уонна дзюдонан дьарыктанар оҕолор эрчиллэ таарыйа сынньаннылар.
Уопуттаах иитээччилэр оҕолорго эрчиллиини тэҥэ сынньалаҥы сөбүнэн көрөн аттаран туруораллар, айылҕаҕа сырытыннараллар, успуорка, култуураҕа, үөрэхтээһиҥҥэ араас тэрээһиннэри ыыталлар, ЫБММ үлэһиттэринэн маастар-кылаас ыыттараллар, байыаннай дьайыы кыттыылаахтарын кытта көрүһүннэрэллэр. “Медасс”, “Омега.Диагностика” аппарааттарга доруобуйаларын туругун 57 спортсмен көрдөрүннэ.
Р.М.Дмитриев аатынан Олимпийскай эрэллэри бэлэмниир өрөспүүбүлүкэтээҕи училищеларын спортивнай салаатын начаалынньыга Александр Моисеев этэринэн, сүрүн болҕомтолорун уопсай физическэй бэлэмҥэ, спортивнай үөрүйэххэ, патриотическай иитиигэ уураллар.
Бүгүн "Саха сирин амтана" гастрономическай бэстибээл саха аһын ыалдьыттарга билиһиннэрэр "Махтал" эрэстэрээҥҥэ аһылынна. Тэрээһин Марий…
Хоту дойдуттан кэлэр сонуннар биһиэхэ олус күндүлэр. Ыраах Аллайыаха улууһун Бөрөлөөх нэһилиэгин олохтооҕо Надежда Дьяконова…
Суотту агрооскуолата элбэх көлүөнэ үөрэнээччилэрин өбүгэ үйэлээх үгэстэригэр, үлэ сатабылларыгар иитэр-үөрэтэр уопута өрөспүүбүлүкэ тас өттүгэр…
Кэбээйи улууһун уопсастыбаннаһа фронтовик суруйааччы Тимофей Сметанин төрөөбүтэ 105 сылыгар анаан бүгүн өйдөбүнньүк стелатыгар сибэкки…
Бу мин суруйаары олорор ыстатыйам дьоруойа чахчы ыстатыйа аатыгар толору барсар олоҕу олорон аастаҕа. “Биирдэ…
Бүгүҥҥүттэн, сэтинньи 25 күнүттэн, «Арктика» айан суолун 0+000 км – 187+000 км (Бурустаах м. –…