Хаартыска: СИА
Үөрэҕирии министиэристибэтин бу сыл от ыйын 30 күнүнээҕи 514 №-дээх бирикээһинэн үөрэх тэрилтэлэрин бастыҥ учууталларыгар бириэмийэ аныырга испииһэгэ таҕыста.
Бу наҕараада үүнэр көлүөнэни иитиигэ улахан кылааты киллэрбит уһулуччулаах учууталлары билиниигэ уонна көҕүлээһиҥҥэ туһаайыллар. Сыл ахсын учууталлар ортолоругар конкуренция улаатар, ону кытта саамай талааннаах уонна кыһамньылаах учууталлар эрэ маннык улахан бириэмийэ хаһаайына буолар кыахтаналлар. Саха сиригэр быйыл 12 бастыҥ учууталлар ааттара билиннэ. Кинилэр үлэлэрэ үрдүктүк сыаналанна.
Куонкурус кыайыылаахтара 200 тыһ. солк. суумалаах бириэмийэни ылаллар. Кинилэри сыаналааһыҥҥа хамыыһыйа араас хайысхаларынан учууталлар ситиһиилэрин көрөн сыаналыыр. Ол курдук, биир сүрүн киритиэрийинэн кинилэр үөрэх методичкатын ырытан оҥорон таһаарыылара буолар. Ону таһынан учууталлары сыаналыырга үөрэнээччилэрин ситиһиилэрэ уонна бастыҥ көрдөрүүлэрэ учуоттанар. Өссө биир киритиэрийинэн үөрэнээччилэри кытта аадырыстаах үлэни ыытыы буолар, холобур, инбэлиит оҕолору кытта үлэлээһин. Куонкуруска үс сылтан тахса сыл идэҕэ үлэлиир учууталлар кытталлар. Дойду үрдүнэн сыл аайы 4 тыһыынча кэриҥэ учуутал бириэмийэни ыларга киирсэр. Тэрээһин 2006 сылтан ыытыллар.
Саха сиригэр педагогическай үлэҕэ ситиһиилэрин иһин бастыҥ учууталлары талыы куонкурус муус устар ыйтан икки түһүмэҕинэн ыытыллыбыта: муниципальнай уонна өрөспүүбүлүкэтээҕи. Муниципальнай түһүмэххэ 94 учуутал кыттыбытыттан, өрөспүүбүлүкэ таһымыгар 60 кыттааччы докумуона көрүлүннэ. Куонкурус матырыйаалларын педагогическай уонна төрөппүт уопсастыбаннаһын бэрэстэбиитэллэрэ көрдүлэр. Эспиэрдэр үөрэҕи уонна үөрэхтээһини тэрийии хаачыстыбатын уонна үөрэххэ ситиһиилэрин үрдүк түмүктэрин сыаналаатылар.
| 1. | Иванова Анна Петровна | учитель математики МБОУ «Сунтарская средняя общеобразовательная школа №1 имени А.П. Павлова» МР «Сунтарский улус (район)» |
| 2. | Герасимова Любовь Сергеевна | учитель математики МОБУ «Физико-технический лицей имени В.П.Ларионова» ГО «город Якутск» |
| 3. | Ползикова Надежда Борисовна | учитель биологии, химии МБОУ «Средняя общеобразовательная школа №1 г.Алдан» МР «Алданский район» |
| 4. | Дмитриев Александр Саввич | учитель математики МБОУ «Верхневилюйская средняя общеобразовательная школа №1 имени И.Барахова с углубленным изучением отдельных предметов» МР «Верхневилюйский улус (район)» |
| 5. | Трофимова Лилия Ивановна | учитель начальных классов МОБУ «Средняя общеобразовательная школа №29» (с углубленным изучением отдельных предметов ГО «город Якутск») |
| 6. | Ашихмина Светлана Валентиновна | учитель русского языка и литературы МБОУ «Политехнический лицей» МО «Мирнинский район» |
| 7. | Григорьева Раиса Дмитриевна | учитель английского языка МБОУ «Халбакинская средняя общеобразовательная школа имени П.И.Быканова» МР «Вилюйский улус (район)» |
| 8. | Шадрина Нюргуяна Васильевна | учитель начальных классов, английского языка МБОУ «Чакырская средняя общеобразовательная школа» МР «Амгинский улус (район» |
| 9. | Шестакова Зинаида Алексеевна | учитель английского языка ГБОУ РС (Я) «Чурапчинская республиканская спортивная школа — интернат олимпийского резерва имени Д.П.Коркина» |
| 10. | Ноговицын Петр Петрович | учитель физики ГБНОУ РС (Я) «Республиканский лицей-интернат» |
| 11. | Гурьева Александра Арияновна | учитель истории и обществознания МБОУ «Майинский лицей имени И.Г.Тимофеева» МР «Мегино-Кангаласский улус (район)» |
| 12. | Данилов Иннокентий Семенович | учитель технологии МБОУ «Легойский лицей-интернат» МР «Усть-Алданский улус (район)» |
Оҕуруот аһын сыаната мантан күһүн өссө түһүөҕэ. Билигин помидор сыаната киилэтигэр 15-200 солкуобайга халбаҥныыр, кабачок…
«Национальнай Лотерея» «Мечталлион» лотерея 154-с тираһын Саха сириттэн кыайыылааҕын көрдүүр. Кыайыылаах биир мөлүйүөн солкуобайы сүүйбүт…
Бастакы кылааска киирэн баран, оҕо уутун хаммат, начаас сылайар, уруок ааҕыан баҕарбат буоллаҕына, оҕону ыгар-түүрэр…
Илиҥҥи экэнэмиичэскэй пуорум «Уһук Илин сайдыытын күүһэ – үөрэхтээһин» диэн сессиятыгар СӨ Бэрэссэдээтэлин солбуйааччыта Анатолий…
Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар…
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын…