СӨ Бырабыыталыстыбатын пресс-сулууспата
Саха сиригэр олохтоох көҕүлээһиннэри өйөөһүн эрэгийиэннээҕи бырагырааматын олоххо киллэрии чэрчитинэн 2210 эбийиэк тутуллубут. 2024 сыл бүтүүтэ 2549 бырайыак олоххо киирэрэ былааннаммыт. Өрөспүүбүлүкэ дьаһалтата уонна нэһилиэнньэ холбоһуктаах күүстэринэн олоххо кииирбит бырайыактар уопсай сыаналара 5,3 млрд солк. тэҥнэспит.
Бу туһунан өрөспүүбүлүкэ үбүн миниистирин бастакы солбуйааччы Иван Алексеев иһитиннэрдэ.
«2024 сылга Саха сирин Бырабыыталыстыбата өрөспүүбүлүкэ бүддьүөтүттэн нэһилиэнньэ көҕүлээһинин өйүүргэ туһуланар сууманы улаатыннарда. Урут 500 мөл. солк. көрүллүбүт эбит буоллаҕына, быйыл — 662 мөл. солк. Өскөтүн олохтоох бэйэни салайыныы уонна спонсордар үптэрин холбоон аахтахха, олохтоох көҕүлээһиннэр бырайыактарын суумата 1 млрд солк. кэриҥэ буолар», — диэн бэлиэтээн эттэ Иван Алексеев.
Ааспыт сылга кыайыылааҕынан 291 бырайыагы биллэрбиттэр, балары олоххо киллэриигэ өйөбүл үп уопсайа 805,6 мөл. тэҥнэспит. Кыттыгас эбии үбүлээһин 244,1 мөл. солк буолбут, ол эбэтэр бырайыактар уопсай сыаналарыттан 30%.
Куонкуруска 2023 сылга Саха сирин судаарыстыбаннай бүддьүөтүттэн олохтоох көҕүлээһиннэри өйөөһүн бырагырааматын үбүлээһиҥҥэ 562 мөл. солк. көрүллүбүт.
Бырайыактары көмүскээһиҥҥэ 2023 сылга 579 тыһ. кэриҥэ киһи кыттыбыт.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…