Сайаана Львова хаартыската.
СӨ Бырабыыталыстыбатын бастакы вице-премьера Дмитрий Садовников тутуу ыстаабын мунньаҕын ыытта. Манна быйыл үлэҕэ киириэхтээх үөрэхтээһин эбийиэктэрин тула кэпсэттилэр. Сыл бүтүөр диэри Саха сиригэр барыта 3515 миэстэлээх 12 оскуола тутуллан бүтэрэ былааннанар. Олортон үгүс оскуола Арассыыйа Бэрэсидьиэнэ Владимир Путин көҕүлээбит «Үөрэхтээһин» национальнай бырайыагын иитинэн тутуллаллар.
Дьокуускайга түөрт оскуола үлэҕэ киириэхтээх. Ол курдук, ДСК микро-түөлбэтигэр 990 миэстэлээх, 29-с №-дээх оскуолаҕа 350 миэстэлээх эбии тутуу, 550 миэстэлээх адаптивнай комплекс уонна интэринээттээх кадеттар оскуолалара тутуллаллар. Жатайга 360 миэстэлээх оскуола аһыллара былааннанар.
Таатта улууһун Ытык Күөлүгэр 450 миэстэлээх оскуола, Мииринэйгэ 1-кы №-дээх оскуола иккис куорпуһа тутуллаллар.
Итиэннэ Горнай Бэс Күөлүгэр, Нам Тумулугар, Үөһээ Бүлүү Боотулуутугар оскуолалар, Дьааҥы Баҕадьатыгар, Сайдыытыгар, Ньурба Үөдэйигэр оскуола-уһуйааннар тутуллаллар.
Сунтаарга 450 миэстэлээх лиссиэйи 2025 сылга үлэҕэ киллэрэр гына көһөрүөхтэрин сөп. Итиэннэ Нам сэлиэнньэтигэр 450 миэстэлээх, Амма сэлиэнньэтигэр 180 миэстэлээх, Өлүөхүмэ улууһун Заречнай бөһүөлэгэр 60 миэстэлээх оскуолалар аһыллыыларын болдьохторо эмиэ хамсаан биэриэхтэрин сөп.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…