Быйыл үһүс кыбаарталга “РИА-Строй” хампаанньа Дьиэни тутар кэмбинээт саҥардыллыбыт бырамыысыланнай комплексыгар тутуу матырыйаалын оҥорууну саҕалыаҕа диэн СӨ Тутууга министиэристибэтэ иһитиннэрэр.
“Өр сыл буолан баран, Саха сиригэр бөдөҥ тутар тэрилтэ баар буолуоҕа. Бу үлэ миэстэтин таһаарыаҕа, тутуу сыанатын аччатыаҕа, ону тэҥэ Саха сирин олохтоохторун тупсаҕай дьиэнэн хааччыйыаҕа”, — диэтэ Ил Дархан Айсен Николаев.
ДСК-ҕа бэлэмнэнии үлэтэ барар, собуот тиэргэнигэр тэриллэри таҥаллар. РИА-Строй комплексы саҥардан оҥорууга Арассыыйаҕа оҥоһуллубут автоматизациялаах тэрили атыылаһыаҕа: истиэнэ панелларын оҥорорго кассетнай установкалары, арматура сыаҕар автоматизациялаах иһэрдэр лииньийэни, термоистиэндэни уо.д.а.
Собуоту саҥардан оҥоруу – өрөспүүбүлүкэҕэ дьиэ квадратнай миэтэрэтин сыанатын аччатыаҕа. Саҥардан оҥоруу түмүктэннэҕинэ, собуот бородууксуйата Дьокуускай дьиэтин ырыынагар туһаныллыаҕа, чуолаан, “Звезднай” уонна “Спортивнай” түөлбэлэргэ. Саҥардыллыбыт комплекс сылга 30-тан 50 тыһ. кв.м. олорор дьиэни тутууну торумнуур. 150 кэриҥэ үлэһит бастаан баар буолуоҕа.
Собуоту атыылаһыыга уонна саҥардан оҥорууга өрөспүүбүлүкэҕэ бастакынан “ДОМ.РФ” баантан өйөбүллээх бырамыысыланнас ипэтиэкэтэ толоруллубута. ДСК докумуонун хаттаан оҥоруу урут приватизацияламмыт тэрилтэ хаттаан өрөспүүбүлүкэ бас билиитигэр кэлбитин көрдөрөр, тоҕо диэтэххэ, РИА 100 бырыһыан Саха сирин Бырабыыталыстыбатыгар бас бэринэр.
2023 сылга Саха сиригэр дьиэни тутууга саҥа рекорд олохтоммута – 705 тыһ. кв. м. олорор дьиэ. Бу үлэ дойду Бэрэсидьиэнэ В.Путин көҕүлээбит “Дьиэ-уот уонна куорат эйгэтэ”национальнай бырайыагынан ыытыллыбыта кэрэхсэбиллээх.
СӨ Ил Дарханын уонна Бырабыыталыстыбатын пресс-сулууспата
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…