2024 сылга Саха сиригэр тиийинэн олоруу алын кээмэйэ 23 тыһыынчаттан тахсыаҕа
![](https://sakha-sire.ru/wp-content/uploads/2023/12/tiijinen-oloruu-alyn-keemeje-900x596-1.jpg)
Кэлэр сылга Саха сиригэр тиийинэн олоруу алын кээмэйин кэриҥин үрдэтии туһунан, бүгүн, ахсынньы 20 күнүгэр СӨ Бырабыыталыстыбатын мунньаҕар көрдүлэр диэн Үлэ министиэристибэтэ иһитиннэрэр.
2024 сылга Саха Өрөспүүбүлүкэтигэр тиийинэн олоруу алын кээмэйэ 23 334 солк. тэҥнэһиэҕэ. Нэһилиэнньэ сүрүн социальнай-демографическай бөлөхтөрүнэн тиийинэн олоруу алын кээмэйэ маннык быһаарылынна: үлэлиир кыахтаах дьоҥҥо — 25 434 солк.; биэнсийэлээхтэргэ — 20 067 солк.; оҕолорго – 23 801 солк. Тиийинэн олоруу алын кээмэйэ, кыра дохуоттаах дьоҥҥо судаарыстыбаннай социальнай көмөнү уонна эрэгийиэннээҕи социальнай бырагыраамалары оҥорууга, олоххо киллэриигэ өрөспүүбүлүкэ нэһилиэнньэтин олоҕун таһымын сыаналыырга туһаныллар.
Уураах тохсунньу 1 күнүттэн 2024 с. күүһүгэр киирэр. Маннык быһаарыыны ылыныы үлэ-хамнас сыһыаннаһыыларын сүрүннүүр өрөспүүбүлүкэтээҕи үс өрүттээх хамыыһыйа этиитин учуоттаан ылылынна.
Сообщить об опечатке
Текст, который будет отправлен нашим редакторам: