Хаартыска: Денис Попов.
Аҕыйах сыллааҕыта сөргүтүллүбүт, оҕо аймах сэҥээриитин ылбыт, саамай элбэх кыттааччылааҕынан билиниллибит “Юные якутяне” үөрэнээччилэр спартакиадалара 2025-2026 сылга түмүктүүр түһүмэҕэ суох ыытыллыаҕа.
“Быйылгы үөрэх дьылыгар спартакиада түмүктүүр түһүмэҕэ (финала) суох ыытыллыаҕа. Үһүс түһүмэх Саха Өрөспүүбүлүкэтин биирдиилээн бастыыр уонна өрөспүүбүлүкэтээҕи күрэхтэһиилэр иитинэн ыытыллан, спартакиадаҕа зачеттаныаҕа. Ааспыт сылларга ыытыллыбыт күрэхтэһиилэртэн бырагыраамаҕа дзюдо уонна фитнес-аэробика киирбэтилэр. Волейбол уонна самбо көрүҥнэригэр “Время первых” самбо оскуолатааҕы лигата итиэннэ “Серебряный мяч” Бүтүн Арассыыйатааҕы бырайыактар күрэхтэһиилэрэ зачетунан киириэхтэрэ” – диэн “Юные якутяне” өрөспүүбүлүкэтээҕи ресурснай киин мэтэдииһэ Ася Тукайнова спартакиадаҕа киирбит уларыйыылары билиһиннэрэригэр эппит.
Ол эбэтэр эрдэтээҥҥи сылларга курдук улуустартан үөрэнээччилэр Дьокуускайга кэлэн күрэхтэһиэхтэрэ суоҕа.
Тэрийээччилэр иһитиннэрэллэринэн, спартакиадаҕа зачетунан киирэр өрөспүүбүлүкэ бастакы күрэхтэһиитэ номнуо ахсынньы 10-12 күннэригэр былааннанар – Н.Н.Тарскай бирииһигэр көҥүл тустууга өрөспүүбүлүкэҕэ биирдиилээн бастыыр иһин күрэхтэһии.
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…