2025 сыл сүрүн ситиһиилэрэ: Маттаҕа — кырдьаҕастар, инбэлииттэр интэринээт-дьиэлэрэ

Мэҥэ Хаҥалас улууһун Матта сэлиэнньэтигэр кырдьаҕастар уонна инбэлииттэр интэринээт-дьиэлэрэ тутуллубута. Саҥа социальнай эбийиэк 51 куойка-миэстэлээх, уопсай иэнэ — 5 тыһ. кв. м. Сынньанар уонна успуорт былаһааккалардаах, ис-тас өттө толору хааччыллыылаах.

Саҥа комплекс кырдьаҕастар уонна доруобуйаларыгар хааччахтаах дьон олорор усулуобуйаларын аныгы уонна табыгастаах оҥорорго кыаҕы биэриэҕэ, кинилэри көрүүгэ, доруобуйаларын чөлүгэр түһэриигэ уонна сынньаналларыгар бары усулуобуйа тэриллиэҕэ.

Эбийиэк 2023 сылтан ыла Владимир Путин өйөбүлүнэн, «Демография» национальнай бырайыак «Кырдьаҕас көлүөнэ» федеральнай бырайыагын чэрчитинэн тутуллар. 2024 сылтан бырайыак саҥа «Дьиэ кэргэн» национальнай бырайыакка уларыйбыта.