2025 сыл түмүгүнэн ыччакка аналлаах куонкурус биллэрилиннэ

СӨ Ыччат дьыалаларыгар уонна социальнай коммуникацияларга министиэристибэтэ «Молодежь Якутии. Достижения и перспективы» диэн 2025 сыл түмүгүнэн ыччат бэлиитикэтигэр уонна патриотическай иитии эйгэтигэр араас номинацияларга кыайыылаахтары быһаарар сыаллаах куонкурус ыытылларын туһунан иһитиннэрэр.

Бу куонкурус эрэгийиэҥҥэ ыччат судаарыстыбаннай бэлиитикэтин олоххо киллэриини түмүктүүр улахан суолталаах түһүмэх буолуоҕа. Муниципальнай оройуоннар, куорат уокуруктара, ыччат уонна уопсастыбаннай тэрилтэлэр ыччат бэлиитикэтигэр уонна патриотическай иитиигэ ситиһиилэрин сыаналыыр сыалтан ыытыллар. Куонкурус түмүгэ 2025 сыл ахсынньы 15 күнүгэр  Дьокуускай куоракка тахсыаҕа.

Куонкуруска кыттарга муниципальнай оройуоннар, куорат уокуруктара уонна тэрилтэлэр балаһыанньаҕа бигэргэтиллибит көрүҥүнэн сөп түбэһиннэрэн толоруллубут сайаапкалары киллэриэхтээхтэр. Сайаапкалары 2025 сыл ахсынньы 1 күнүгэр диэри туталлар.

Куонкурус хас да номинациялаах:

1. «Лучший муниципальный район, городской округ в сфере молодежной политики и патриотического воспитания граждан»;
2. «Лучшая молодежная общественная организация»;
3. «Прорыв года»;
4. «Лидер молодежи».

Куонкурус туһунан сиһилии министиэристибэ кылаабынай исписэлииһэ Иванова Раиса Афанасьевнаттан билсиэххитин сөп, төл.: 8(4112)507-124.

Аадырыс: 677000, Дьокуускай к. Ленин пр., 30, каб. 413.