2025 сылга үрдүк үөрэххэ бүддьүөт миэстэтэ элбиирин туһунан иһитиннэрдилэр

РФ Билимҥэ уонна үрдүк үөрэхтээһиҥҥэ миниистирэ Валерий Фальков 2025 сылга үрдүк үөрэх кыһаларыгар бүддьүөт миэстэтин ахсаана 2024 сылы кытта тэҥнээтэххэ элбиирин туһунан иһитиннэрдэ. Бу инженернэй- тэхиниичэскэй, педагогическай уонна мэдиссиинэ идэлэргэ тутаах хайысхаларыгар сыһыаннаах.

«2025 сылга 2024 сылы кытта тэҥнээтэххэ, тутаах хайысхаларынан бүддьүөт миэстэтин ахсаана элбиир»,-диэн Валерий Фальков Арассыыйа ректордарын кытта сүбэ мунньахха иһитиннэрдэ. Бу туһунан кини ТГ-ханаалыгар суруйар.

«2024 сыл түмүктэрин уонна 2025 сыллааҕы былааннарын туһунан» сүбэ мунньахха миниистир ыыппыт сүбэ мунньаҕар 225 үрдүк үөрэх кыһаларын ректордара, биэдэмистистибэ салайааччылара сырыттылар. Мунньахха ааһан эрэр сыл сүрүн ситиһиилэрин уонна инникитин, стратегическай соруктары, ол иһигэр тутаах үөрэх бырагыраамаларын сайыннарыытын дьүүллэстилэр.