2025 сылга 4000-тан тахса бэйдиэ сылдьар ыты туттулар

2025 сыл саҕаланыаҕыттан Саха сиригэр 4000-тан тахса бэйдиэ сылдьар ыты туттулар. Итинтэн аҥарын кэриҥин киин куоракка туппуттар. Бу туһунан СӨ Бэтэринээрийэ управлениета иһитиннэрэр.

Өссө 148 ыты олохтоохтор приюттарга уонна быстах кэмҥэ тутар кииннэргэ аҕалбыттар.

Саамай элбэх ыт Дьокуускайга тутуллубут – 1892, Алдан оройуонугар — 154, Бүлүү улууһугар — 100, Мэҥэ Хаҥаласка – 165, Нерюнгрига — 431, Хаҥаласка — 149, Ньурба улууһугар — 109, Өлүөхүмэҕэ — 192, Намҥа – 109, атын улуустарга 100-тэн кыра.

Сыл саҕаланыаҕыттан дьиэ кыылын тутар быраабыланы кэспит хаһаайыттарга СӨ Административнай быраабы кэһиилэр тустарынан кодекс 5.4 ыстатыйатынан 572 административнай быраабы кэһии туһунан боротокуол оҥоһулунна, уопсайа 849 500 солкуобай ыстараап түһэрилиннэ. РФ КоАП 8.52 ыстатыйатын 3-с чааһынан, дьиэлэрин кыыла атын киһи доруобуйатыгар хоромньуну оҥорбут гражданнарга 88 боротокуол оҥоһулунна, уопсайа 830 000 солкуобай ыстараап түһэрилиннэ.