Хаартыска Дьокуускай куорат дьаһалтатын ханаалыттан
Дьокуускай куорат дьаһалтата элбэх оҕолоох ыалларга уонна байыаннай дьайыы кыттыылаахтарыгар сир учаастактарын салгыы биэрэр диэн киин куорат мэрэ бэйэтин ханаалыгар суруйар.
Ааспыт сылга, 2024 сыл ахсынньы ыйыттан саҕалаан, 1889 элбэх оҕолоох ыал сир учаастагын ылбыт. Итинтэн Бүлүүлүүр суол 16 км 964 учаастактан 960 учаастак бэриллибит. Намцыыр суолун 8 км 1014 учаастактан 929 учаастак түҥэтиллибит.
Аны билигин 2026-2027 сылларга былааннар тустарынан: бастакы кыбаарталга Тулагы-Сыырдааҕар 100-чэ учаастак түҥэтиллэрэ былааннанар. Итини таһынан Тулагы-Киллэм нэһилиэгэр эбии үс сиргэ учаастак тыырыллара быһаарылынна: оҥоһуллуохтаах сир учаастагын ахсаана быһа холоон 1100 буолуо.
Сир былааннааһынын уонна геодезическай бырайыактары оҥоруу уонна бигэргэтии 2026 сыл ортотугар диэри барыа. Сири түҥэтии 2026 сыл ахсынньытыгар былааннанар.
Куорат мэрэ Дьокуускай элбэх оҕолоох ыаллара альтернативнай дьаһалынан – биир кэмнээх төлөбүрүнэн (ЕДВ) көхтөөхтүк туһаналларын бэлиэтиир. Бүгүҥҥү күҥҥэ 1179 ыал төлөбүрү ылбыт. Биир кэмнээх төлөбүр 2025 сыл кулун тутар 1 күнүгэр 200 тыһыынча солкуобайтан 300 тыһыынча солкуобайга диэри улааппыт.
Элбэх оҕолоох ыалларга сири биэриини сэргэ, байыаннай дьайыы кыттыылаахтарыгар уонна кинилэр дьиэ кэргэттэригэр сир учаастагын биэрии саҥа улахан суолталаах соругунан турар.
Куорат уокуругун иһинэн бу сыалга уопсайа 1396 сир учаастага бэлэмнэммит: Киллэм нэһилиэгэр – 961, Табаҕа нэһилиэгэр – 435.
2025 сыл олунньу ыйыттан уопсайа 820 учаастак бэриллибит: Тулагы-Киллэм нэһилиэгэр – 509 уонна Табаҕаҕа – 311.
Сири үллэрии ый аайы «Сир сыһыаннаһыыларын ааҕыныстыбата» муниципальнай тэрилтэ нөҥүө барар. Сири тыырыы кэлэр түһүмэҕэ: элбэх оҕолоох ыалларга ахсынньы 18 күнүгэр, оттон байыаннай дьайыы кыттыылаахтарыгар ахсынньы 19 күнүгэр буолуохтара.
Ахсынньыга режиссер, СӨ ускуустубатын үтүөлээх диэйэтэлэ Сергей Потапов 50 сааһа туоларынан, бэстибээл саҕаланна. Бүгүн, ахсынньы…
Бастатан туран, сэртипикээт хаһаайына Арассыыйа Социальнай пуондатын порталыгар эбэтэр кини филиалыгар баар тус кэбиниэтин нөҥүө…
Бултуулларын сөбүлүүр дьоҥҥо, булчуттарга маннык бэртээхэй сүбэ баар. Бастатан, айылҕатын быһыытынан тыһы ыт ордук булчут…
Ил Дархан Айсен Николаев Москваҕа оробуочай командировкаҕа сылдьан, СӨ судаарыстыбаннай сүбэһитэ Вячеслав Штыровы кытта көрүстэ.…
Хас биирдии байыаннай сулууспалаахха Саҥа дьыл бэлэхтэрэ туттарыллыахтара. Бу туһунан "Бары бииргэ - Кыайыыга!" өрөспүүбүлүкэтээҕи…
Erid: 2SDnjcCD1MH Новогодняя акция для рекламодателей: скидка 50% и удвоение срока размещения! Начните новый год…