2025 сылга Өлүөнэ муостатын түөрт тирэҕин туруорарга былаанныыллар

2025 сылга Өлүөнэ муостатын түөрт бөдөҥ тирэҕин туруоруохтара. Бу туһунан Саха сирин Бырабыыталыстыбатын бэрэссэдээтэлэ Кирилл Бычков эбийиэк былаһааккаларын көрө сылдьан эттэ.

Кирилл Бычков үлэ көхтөөхтүк кыраапыгы тутуһан саҕаламмытын бэлиэтээтэ. Быйыл уҥа кытылтан түөрт тирэҕи туруоруохтара. Хас биирдии тирэх 20 сыбаайаттан турар, 28-тан 42 миэтэрэҕэ диэри уһуннаах.

«Мин быйыл муоста сүрүн чааһын тутууга улахан үлэ барыа дии саныыбын», — Саха сирин бырабыыталыстыбатын бэрэссэдээтэлэ.
«ВИС» Бөлөҕүн тутууга бырайыагын дириэктэрэ Антон Крупнов бүгүн хаҥас кытылга 73 сыбаайа үүттэммитин эттэ.

«Кулун тутар ый бүтүүтэ үүттүүр тиэхиньикэни аҕалбыппыт. Уҥа кытылга үүттүүр үлэлэри саҕалаатыбыт.Билигин сыбаайаларга штамповай чинчийиилэр бараллар» ,— диэтэ Антон Крупнов.

Эбийиэги тутууга 400 киһи уонна тиэхиньикэ үлэлиир диэн СИА суруйар.