Хаартыска: Андрей Сорокин, ЯСИА.
Бу эбийиэктэр “Үтүө дьыала хамсааһын” уонна “СӨ култуураны сайыннарыы” судаарыстыбаннай бырагыраама чэрчилэринэн киириэхтэрэ.
Дьааҥы улууһун Суордаах сэл. уонна Кэбээйи улууһун Батамайыгар элбэх функциялаах култуура кииннэрэ, Мэҥэ Хаҥалас улууһун Бөкө сэл. уонна Үөһээ Бүлүү Быракааныгар култуурунай-спортивнай комплекстар, ону кытта Дьокуускайга Арктикатааҕы эпос, ускуустуба киинэ аһыллаллара былааннанар.
Федеральнай уонна өрөспүүбүлүкэтээҕи бүддьүөт харчытыгар бу сылга хайыы-үйэ Горнай улууһун Атамайыгар элбэх функциялаах сынньалаҥ киинэ уонна Аллараа Бэстээххэ Василий Местников аатынан култуураны сайыннарар киин үлэҕэ киирбиттэрэ.
Ону тэҥэ “Култуура” национальнай бырайыак чэрчитинэн Сунтаар улууһун Кириэстээҕэр “Саргы түһүлгэтэ” социальнай-култуурунай киин тутуллубута. “Ситим” норуодунай тыйаатыр, “Ай-тыын” үҥкүү ансаамбыла, “Феникс+” оҕо тыйаатырын студията эрэпэтииссийэлэнэллэригэр бэртээхэй киэҥ дьиэлэммиттэрэ.
“Мин үҥкүүлүүрбүн сөбүлүүбүн, “Ай-тыын” ансаамбылга дьарыктанабын. Сынньанарбытыгар бары усулуобуйа баар буолбутуттан наһаа үөрэбит. Бэрэсидьиэммитигэр Владимир Путиҥҥа маннык эбийиэк тутуллубутун иһин махтанабыт”, — диир Анастасия Стручкова.
Ил Дархан, бырабыыталыстыба пресс-сулууспата санатарынан, “Култуура” нацбырайыак билигин “Дьиэ кэргэн” нацбырайыагынан салҕанар.
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин…
Таатта улууһугар СӨ ситэриилээх былааһын уорганнара 2025 сыллааҕы үлэлэрин түмүгүнэн отчуоттара саҕаланна. Бырабыыталыстыба оробуочай бөлөҕүн…
Саха сирин хомуур хамаандатын лидердэрэ Айаал Сивцев, Саргылан Семёнов, Виктория Петрова уонна Роман Ибрагимов паралимпийскай…