Василий Кононов хаартыскаҕа түһэриитэ.
2025 сылга уонна 2026-2027 сылларга былааннанар кэмҥэ Саха сирин судаарыстыбаннай бүддьүөтүн туһунан сокуон барыла көрүлүннэ.
Бүгүн Ил Түмэн уочараттаах пленарнай мунньаҕар «2025 сылга уонна 2026-2027 сыллардааҕы былааннаах кэмҥэ Саха Өрөспүүбүлүкэтин судаарыстыбаннай бүддьүөтүн туһунан» 143-7 №-дээх Саха Өрөспүүбүлүкэтин сокуонун барыла көрүлүннэ.
Сүрүн дакылааты өрөспүүбүлүкэ үбүн миниистирин эбээһинэһин толорооччу Иван Алексеев оҥордо. Сокуон барыла 2025-2027 сылларга Саха Өрөспүүбүлүкэтин социальнай-экэнэмиичэскэй сайдыытын билгэлээһиҥҥэ, 2023 сылтан олоххо киллэриллэр Саха Өрөспүүбүлүкэтин судаарыстыбаннай бырагыраамаларга олоҕуран, бүддьүөтүн дохуотун сүрүн дьаһайааччылар билгэлээбит көрдөрүүлэригэр сөп түбэһиннэрэн ырытыллан оҥоһулунна.
Миниистир эппитинэн, сокуоҥҥа сабаҕаланар уларыйыылары уонна өрөспүүбүлүкэ социальнай-экэнэмиичэскэй сайдыытын билгэлээһини болҕомтоҕо ылан, Саха Өрөспүүбүлүкэтин судаарыстыбаннай бүддьүөтүн дохуотун уопсай кээмэйэ 2025 сылга 291 284 872,3 тыһ. солкуобайга тэҥнэһиэ, ол иһигэр нолуоктан киирэр дохуот 199 971 453,9 тыһ. солкуобай, нолуоктан атын дохуот 15 977 666,1 тыһ. солкуобай уонна толуйуллубат киирии үп 75 335 752,4 тыһ. солкуобай буолуо.
2025 уонна 2026 сылларга бүддьүөккэ көрүллэр муҥутуур баазовай үп төрүтүнэн 2025 уонна 2026 сыллардааҕы былааннаах кэмҥэ Саха Өрөспүүбүлүкэтин судаарыстыбаннай бүддьүөтүн түмүллүбүт бүддьүөтү аттарыыга сөп түбэһэр кээмэйэ ылылынна диэн буолла. Миниистир бүддьүөтү ырытарга толуйуллар, толуйуллубат үп, бүддьүөттэр икки ардыларынааҕы трансфер, араас нолуоктан киирэр дохуот учуоттаммытын быһаарда.
Иван Алексеев 2025 сылга уонна 2026-2027 сыллардааҕы былааннаах кэмҥэ Саха Өрөспүүбүлүкэтин судаарыстыбаннай бүддьүөтүн дохуотун билгэлээһин Арассыыйа Федерациятын уонна Саха Өрөспүүбүлүкэтин бүддьүөт уонна нолуок туһунан сокуоннарыгар сөп түбэһиннэрэн бэлэмнэммиттэрин эттэ. Ол курдук дохуот кээмэйин торумнуурга федеральнай уонна өрөспүүбүлүкэтээҕи бүддьүөт уонна нолуок туһунан сокуоннарынан үп уочараттаах сылын саҥатыттан киирэр былааннанар уларыйыылар учуоттаммыттар.
Норуот дьокутааттара Саха сирин бүддьүөтэ социальнай хайысхалаах буоларыгар, дьон олоҕун тупсарара сыаллаах туһаныллыахтааҕын эттилэр. Судаарыстыбаннай бүддьүөт хаччытынан, билиҥҥи буола турар уустук, байыаннай дьайыы кэмигэр, өлүү-сүтүү тахса турдаҕына улахан тэрээһиннэри ыытары тохтоторго эттилэр. Бүддьүөт ороскуотун аҥаарын социальнай-култуурунай эйгэ сайдыытыгар ыытар уонна тыа сирдэригэр доруобуйа харыстабылын тэрилтэлэрин сабыталаабакка, араас ГБУ диэн ааттаах бүддьүөттэн үбүлэнэр министиэристибэлэргэ уонна биэдимэстибэлэргэ сыһыаннаах тэрилтэлэри сарбыйар уолдьаста диэн кытары этиилэр киирдилэр. Норуот дьокутааттарын Саха сиригэр дьадайыы таһыма дойду үрдүнэн 72 миэстэҕэ сылдьара, бүддьүөт дефицитэ улаханнык дьиксиннэрэрин этиннилэр.
Өрөспүүбүлүкэ 2025 сылга уонна 2026-2027 сыллаах былааннанар кэмҥэ Саха сирин судаарыстыбаннай бүддьүөтүн туһунан сокуон барыла бастакы ааҕыыга ылылынна.
Ил Түмэн спикерэ Алексей Еремеев сокуон быһыытынан өрөспүүбүлүкэ кэлэр 2025 сыллааҕы бүддьүөтэ ахсынньы 1 күнүгэр диэри ылыллыахтааҕын санатта.
Василий Кононов хаартыскаларга түһэриитэ.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…