2025 сыллааҕы быыбарга байыаннай дьайыы 890 кыттыылааҕа мандаат туппут

2025 сылга араас таһымнаах быыбардарга байыаннай дьайыы 890 кыттыылааҕа мандааттаах туппут. Бу туһунан «Биир ньыгыл Арассыыйа» баартыйа генеральнай сэбиэтин сэкирэтээрэ Владимир Якушев Арассыыйа бэрэсидьиэнэ Владимир Путиҥҥа иһитиннэрдэ.

«Эһиги биһиги иннибитигэр туруорбут биир сүрүн сорукпутунан – 2025 сылга ыытыллар быыбар хампаанньатыгар биһиги уолаттарбыт, байыаннай дьайыы кыттыылаахтара, төһө кыалларынан бары быыбардарга ситиһиилээхтик кытыннылар. Байыаннай дьайыы кыттыылаахтара 890 мандааты ыллылар», — диэн Якушев РФ бэрэсидьиэни кытта көрсүһүүтүгэр эттэ.

Кэпсэтии тиэкиһэ Арассыыйа бэрэсидьиэнин официальнай саайтыгар таҕыста. Ону таһынан, кини ааспыт 2024 сылга байыаннай дьайыы 304 эрэ кыттыылааҕа мандаат ылбытын бэлиэтээтэ.

Владимир Путин уонна Владимир Якушев көрсүһүүлэрэ Кириэмилгэ буолан ааста. «Биир ньыгыл Арассыыйа» сэкирэтээрэ бэрэсидьиэҥҥэ баартыйа толорбут соруктарын уонна 2026 сылга былааннарын туһунан отчуотун билиһиннэрдэ.