2025 сыллааҕы эксээмэн бырайыагын таһаардылар

Нуорма быраап аакталарын бырайыагын федеральнай порталыгар РФ Үөрэҕириитин уонна Үөрэҕи, билими кэтээн көрөр федеральнай сулууспа кыттыгас бирикээстэринэн, 2025 сыллааҕы биир кэлим эксээмэн (ЕГЭ), сүрүн судаарыстыбаннай эксээмэн (ОГЭ) итиэннэ судаарыстыбаннай түмүктүүр эксмээмэн (ГВЭ) ыытыллар күннэрин бырайыагын таһаардылар.

Бырайыакка олоҕуран, биир кэлим судаарыстыбаннай эксээмэн сүрүн түһүмэх иннинээҕи эксээмэннэрэ кулун тутар 21 күнүттэн муус устар 21 күнүгэр диэри ыытыллар, сүрүн түһүмэх – ыам ыйын 23 күнүттэн от ыйын 4 күнүгэр, эбии түһүмэх – балаҕан ыйын 4-23 күннэригэр.

Биир кэлим эксээмэн:

Ыам ыйын 23 күнүгэр – устуоруйа, литэрэтиирэ, химия;

Ыам ыйын 27 күнүгэр – математика (судургутутуллубут, уустугурдуллубут таһымнар иккиэн);

Ыам ыйын 30 күнүгэр – нуучча тыла;

Бэс ыйын 2 күнүгэр – обществознание, физика;

Бэс ыйын 5 күнүгэр – биология, география, омук тыллара (суругунан чааһа);

Бэс ыйын 10 уонна 11 күннэригэр – информатика, омук тыллара (тылынан чааһа).

Бэс ыйын 16-23 күннэригэр бары биридимиэттэргэ эрэсиэрбэ күннэр биллэриллибиттэр, ону тэҥэ, от ыйын 3 уонна 4 күннэригэр – биир кэлим эксээмэн биир биридимиэтин хаттаан туттарар күн.

Сүрүн судаарыстыбаннай эксээмэни (ОГЭ) эмиэ үс түһүмэххэ араарбыттар: сүрүн түһүмэх иннинээҕи эксээмэн – муус устар 22 күнүттэн ыам ыйын 17 күнүгэр диэри буолар, сүрүн түһүмэх – ыам ыйын 21 күнүттэн от ыйын 2 күнүгэр диэри, эбии түһүмэх – балаҕан ыйын 2-23 күннэригэр.

Сүрүн судаарыстыбаннай эксээмэн:

Ыам ыйын 21 күнүгэр – омук тыллара;

Ыам ыйын 22 күнүгэр – омук тыллара;

Ыам ыйын 26 күнүгэр – биология, информатика, обществознание, химия;

Ыам ыйын 29 күнүгэр – география, устуоруйа, физика, химия;

Бэс ыйын 3 күнүгэр – математика;

Бэс ыйын 6 күнүгэр – география, информатика, обществознание;

Бэс ыйын 9 күнүгэр – нуучча тыла;

Бэс ыйын 16 күнүгэр – биология, информатика, литэрэтиирэ, физика.

Эксээмэн ыытыллар күннэрин бырайыагын уопсастыбаннай ырытыһыы сэтинньи 1 күнүгэр диэри буолар. Бу туһунан Үөрэҕи, билими кэтээн көрөр федеральнай сулууспа сырдатар.