Хаартыска: sakha.gov.ru саайтан
Марий Эл өрөспүүбүлүкэ Медведевскэй оройуонун Руэм бөһүөлэгэр ыытыллыбыт XXIV Федеральнай Сабантуй көһө сылдьар “Тулпар” кынаттаах боруонса атын Саха сирин бэрэстэбиитэллэригэр туттардылар.
“2025 с. Саха Өрөспүүбүлүкэтигэр ыытыллар Федеральнай Сабантуй биһиги норуоттарбыт бииргэ үлэлииллэригэр, алтыһалларыгар, култууралара чугасаһыыларыгар, эрэгийиэннэр икки ардыларынааҕы сибээһи олохтуулларыгар тирэх буолуоҕа”, — диэн бэлиэтээтэ Ил Түмэн вице-спикерэ Александр Подголов.
Култуурунай сабыытыйа чэрчитинэн Марий Эл Өрөспүүбүлүкэҕэ Арассыыйа 72 эрэгийиэниттэн 500-тэн тахса дэлэгээт кэллэ. Сабантуй аһыллыытын кэнниттэн ыалдьыттары уонна кыттааччылары эрэгийиэннэр салайааччылара эҕэрдэлээтилэр.
Марий Эл Өрөспүүбүлүкэтин баһылыга Юрий Зайцев ыалдьыттарга уонна тэрийээччилэргэ махталын биллэрдэ: «Марий ыалдьытымсах сиригэр бу улахан тэрээһини ыытыы биһиэхэ улахан чиэс. Сабантуй норуоттар икки ардыларынааҕы бииргэ өйдөһүүнү, сөбүлэһиини кэрэһилиир. Биһиги артыыстарбыт толорууларыгар эһиги икки норуот түмсүүтүн, биһиги дойдубут бары норуоттара түмсүүлэрин көрөҕүт. Бу манан биһиги дойдубут атын судаарыстыбалартан уратылаах”.
Татарстан Раиһа Рустам Минниханов, Марий Элгэ Сабантуй иккис төгүлүн ыытылларын санатта: “Сабантуй – бу доҕордоһуу бырааһынньыга, манна итэҕэлинэн, омугунан араарсыбаппыт. Манна биһиги бары – бырааттыыларбыт. Сабантуй – бу успуорт, күрэстэһэр күүс. Минньигэс ас. Биһиги барыгытыгар кыттаргытын иһин махтанабыт уонна үтүө күнү баҕарабыт!” – диэтэ Рустам Минниханов.
Татарстан Өрөспүүбүлүкэтин Нижнекамскай оройуонун уонна Арассыыйа эрэгийиэннэрин кэлэктииптэрэ ырыаны-тойугу тардан кэбистилэр, декоративнай-прикладной оҥоһуктар быыстапкалара, татаар аһын-үөлүн атыыта буолла.
Федеральнай Сабантуй сыанатыгар Татарстан уонна Марий Эл Өрөспүүбүлүкэлэрин айар кэлэктииптэрэ кэнсиэртээтилэр, корэш — национальнай тустуу көрүҥэр Бүтүн Арассыыйатааҕы, конкурга, армрестлиҥҥэ, күүс экстримигэр, киирэни анньыыга, ханааты тардыһыыга өрөспүүбүлүкэтээҕи күрэхтэһиилэр буоллулар.
Санатан эттэххэ, 2021 сыллаахха Татарстаҥҥа Саха сирин күннэрин ыытыыыга Ил Дархан Айсен Николаев уонна Татарстан Раиһа Рустам Минниханов бырабыыталыстыбалар икки ардыларыгар экономическай, култуурунай, социальнай уонна да атын эйгэлэргэ бииргэ үлэлииргэ илии баттаабыттара, диэн суруйар СӨ Ил Дарханын уонна СӨ Бырабыыталыстыбатын пресс-сулууспата.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…