Хаартыска: Үөһээ Бүлүү улууһун дьаһалтатын пресс-сулууспата
2025 сылтан Үөһээ Бүлүү улууһугар «Мэдиссиинэ сиэстэрэтэ» уонна ۫«Биэлсэр дьыалата» идэлэргэ үөрэтиэхтэрэ.
Улуус дьаһалтата мэдиссиинэ каадыра тиийбэтин кыһалҕатын быһаарыыга Үөрэх уонна билим министиэристибэтэ, В.А. Вонгродскай аатынан Дьокуускайдааҕы мэдиссиинэ кэллиэһэ, оройуоннааҕы киин балыыһа, Д.С. Спиридонов аатынан улуустааҕы гимназия түөрт өрүттээх сөбүлэһиигэ илии баттаатылар.
Ол курдук улуустааҕы гимназия баазатыгар мэдиссиинэ кэллиэһин саҥа салаата аһыллыаҕа. Бу саҥа салааҕа икки идэҕэ үөрэтиэхтэрэ: «Мэдиссиинэ сиэстэрэтэ» — 1 сыл 10 ый, «Биэлсэр дьыалата» — 2 сыл 10 ый. 2025 сылтан икки идэнэн 17-лии миэстэ арыллыаҕа. Ону тэҥэ устудьуоннар ахсаанын эбэргэ төлөбүрдээх миэстэлэр көрүлүннүлэр. Анал байыаннай дьайыы кыттыылаахтарын оҕолоро уонна тулаайах оҕолор куонкуруһа суох киириэхтэрин сөп. Үөрэххэ туттарсыы туһунан иһитиннэриилэр Дьокуускайдааҕы мэдиссиинэ кэллиэһин саайтыгар тахсыаҕа.
«Биһиэхэ бу улахан үөрүү. Биһиги ыччаппыт инники кэскилин туһугар үлэлиибит уонна мэдиссиинэ үлэһитэ баар буоларын хааччыйабыт. Бу устуоруйаҕа киирэр түгэн, онон Үөрэх уонна билим миниистирэ Нюргуна Соколоваҕа уонна Дьокуускайдааҕы мэдиссиинэ кэллиэһин дириэктэрэ Дмитрий Алексеевка махталбытын тиэрдэбит», — диир улуус баһылыга Валерий Николаев.
«Саҥа салаа аһыллыыта – бу муниципальнай сакаас туолуута, итиэннэ эһиил икки идэҕэ үөрэх арыллара былааннаммытыттан олус үөрэбит. Үөрэххэ киирэргэ 4,8 баал наада. Сиһилии кэллиэс саайтыгар билсиэххэ сөп», — диир Дьокуускайдааҕы мэдиссиинэ кэллиэһин дириэктэрэ Дмитрий Алексеев, диэн улуус дьаһалтатын пресс-сулууспата суруйар.
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…