2026 сылга бастакы Күн өлүүтэ олунньуга буолуоҕа

Олунньу 17 күнүгэр күүтүллэр  Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата ТАСС-ка иһитиннэрдэ.

«Олунньу 17 күнүгэр 2026 сыллааҕы бастакы Күн өлүүтэ буолуоҕa. Күн өлүүтэ планета Соҕурууҥҥу аҥаарыгар, ол эбэтэр Антарктидаҕа, көстүөҕэ. Арассыыйа сиригэр-уотугар көстүбэт», — диэн планетарийтан иһитиннэрдилэр.

Күн өлүүтүн муҥутуур кэмэ Москуба бириэмэтинэн 15:13 чааска саҕаланыа уонна 0,963 тэҥнэһиэ. Уһуна 2 мүнүүтэ 19 сөкүүндэ буолуоҕа.

Күн уонна Ый өлүүлэрэ сыл аҥаарыгар биирдэ, икки нэдиэлэ арыттаах буолаллар. Бу кэмҥэ Күн, Сир уонна Ый биир тэҥҥэ кэккэлэһэллэр. Ортотугар Сир турдаҕына, дьон Ый өлүүтүн көрөллөр, оттон Ый буоллаҕына – Күн өлүүтүн. Биир сыл устата иккиттэн биэскэ диэри Күн өлүүтэ буолуон сөп.