2026 сыл саҕаланыаҕыттан байыастарга 14 тиэхиньикэни ыыппыттар

2026 сыл саҕаланыаҕыттан байыастарга 14 тиэхиньикэни ыыппыттар. Бу туһунан нэдиэлэтээҕи брифиҥҥэ «Вместе к Победе!» өрөспүүбүлүкэтээҕи хамыыһыйа координационнай киинин бэрэстэбиитэлэ Анна Меркурьева иһитиннэрдэ. 

«Олунньу 2 күнүгэр Дьокуускайтан байыаннай дьайыы буола турар сиригэр гуманитарнай таһаҕаһы уонна аадырыстаах баһыылкалары илдьэ улахан массыына айаннаабыта. Аара Нерюнгриттан уонна Алдантан эмиэ гуманитарнай көмөнү ылан ааспыта. Кэлэр нэдиэлэҕэ фроҥҥа өссө биир массыына айанныахтаах», — диэн спикер этэр.

Анна Меркурьева этэринэн, бу күннэргэ, Аҕа дойдуну көмүскээччи күнүн көрсө байыастарга бэлэхтэри оҥоро сылдьаллар.

Байыастарга аадырыстаах баһыылкалар уонна гуманитарнай көмөнү маннык аадырыска туталлар: Дьокуускай, Бестужев-Марлинскай уул., 5/1, «Якутия с тобой» волонтердар тэрилтэлэрэ.

Сиһилии: https://www.sakha.gov.ru/news/20352