Хаартыска: М.Васильева (ЯСИА)
2026 сыл тохсунньу 1 күнүттэн страховой биэнсийэлэр 7,6%-нан үрдүөхтэрэ. Бу эбии төлөбүрү 38 мөлүйүөн кэриҥэ Арассыыйа олохтооҕо, ол иһигэр үлэлиир да, үлэлээбэт да биэнсийэлээхтэр ылыахтара. Маны таһынан, тохсунньуга сорох категорияҕа киирэр кырдьаҕастарга тус-туһунан эбии төлөбүрдэри оҥоруохтара диэн «Парламентскай хаһыат» иһитиннэрэр.
Тохсунньуга сааһынан, инбэлиит буолуутунан уонна иитээччитин сүтэрбитинэн ананар страховой биэнсийэлэри 7,6%-нан индексациялыахтара. «Биир биэнсийэ коэффициенын сыаната 156 солк. 76 харчыга тиийиэҕэ, оттон бигэргэтиллибит төлөбүр 9584 солк. 69 харчы буолуоҕа. Бырабыыталыстыба сыанабылынан, сааһынан ананар орто страховой биэнсийэ ыйга 27 тыһыынча солкуобайга диэри үрдүөҕэ», — диэн Судаарыстыбаннай Дуума дьоҕус уонна орто урбаан кэмитиэтин чилиэнэ Алексей Говырин «Парламентскай хаһыакка» быһаарда. Индексация быһа оҥоһуллуоҕа, ол иһин Социальнай пуондаҕа барар наадата суох.
Сорох биэнсийэлээхтэргэ тохсунньу ыйдааҕы үрдэтиллибит биэнсийэлэрин ахсынньы бүтүүтэ эрдэ биэриэхтэрэ.
«Биэнсийэлэрин тохсунньу ый бастакы 12 күнүгэр ылар биэнсийэлээхтэр сорохторо төлөбүрдэрин ахсынньы бүтүүтэ эрдэ ылыахтара. Манна биэнсийэлэрин баан нөҥүө каарталарыгар ылааччылар киирэллэр. Бу биэнсийэни ылааччылар үгүс өттүлэрэ буолар. Төлөбүрдэри Саҥа дьыллааҕы 12 күннээх өрөбүл иннинэ эрдэ ыытыахпыт», — диэн ахсынньы 12 күнүгэр Үлэ миниистирэ Антон Котяков ТАСС ыйытыытыгар хоруйдууругар эттэ.
Биэнсийэни «Почта России» нөҥүө ылааччыларга төлөбүр кэмигэр, уруккутун курдук, оҥоһуллуоҕа.
Бу түгэҥҥэ төлөбүр кыраапыга эрэ уларыйар: бу «эбии» эбэтэр «13-с» биэнсийэ буолбатах, тохсунньу ыйдааҕы төлөбүрдэри эрдэ биэрии буолар. «Онон ахсынньытааҕы үптэрин-харчыларын, кэлэр биэнсийэ олунньуга эрэ кэлэрин учуоттаан, былаанныыллара наада», — диэн Судаарыстыбаннай Дуума дьокутаата Никита Чаплин сүбэлээтэ.
Сотору тыс этэрбэспитин уһулан уурар кэммит кэлиэҕэ. Төһө да тыа сиригэр олордорбун, этэрбэһи харайыыны билбэт…
— Дьиэни-уоту бэлэх курдук ыллахпына, дохуот төлөтөллөр дииллэр. Кырдьык дуо? Ыйытыыга Арассыыйа Нолуокка ФС Саха…
Элбэх кыбартыыралаах дьиэлэргэ тапсан олоруу быраабылаларын, сиэри-майгыны төһө билэбитий, тутуһабытый? Бу өрөспүүбүлүкэбит үгүс олохтоохторугар сыһыаннаах…
Ахсынньы-тохсунньу тоһуттар томороон тымныылара бүтэн, халлаан сылыйан, хаһаайкалар аны сайыҥҥа, сорохтор оннооҕор кэлэр идэһэҕэ диэри…
Күүһү түмтэххэ, кыттыстахха, кыаллыбат да кыалларын Бүлүү улууһун Халбаакы нэһилиэгин үтүө холобуругар көрүөххэ сөп. Манна…
— Хапытаалынай өрөмүөн иһин усунуоһу төлөөһүҥҥэ өйөбүл миэрэтэ баар дуо? Ыйытыыга “Субсидиялар ааҕыныстыбалара” СӨ ГКУ…