2026 сылга адаптивнай успуорт спартакиадата Бүлүү куоратыгар ыытыллыаҕа

Бу суолталаах спортивнай тэрээһин туһунан   «Актуальное интервью» биэриигэ физическэй култуура уонна успуорт миниистирин солбуйааччы  Аида Антонова сырдатта.

Күрэхтэһии 2026 сыл от ыйын 7 күнүттэн 12 күнүгэр диэри Бүлүү куоратыгар ыытыллыаҕа.  Адаптивнай успуорт көрүҥнэригэр сүүмэрдэммит хамаандалар үс бөлөххө хайдыһан күрэхтэһиэхтэрэ. 2010 с. төрөөбүт дьонтон, ол эбэтэр 16 саастарыттан  үөһээ саастаах  спортсменнар кыттыахтара.

Бырагыраамаҕа успуорт саҥа көрүҥнэрэ эбилиннилэр: саахымат – былчыҥ-уҥуох уонна истэрэ мөлтөх дьоҥҥо, чэпчэки атлетика – өй-санаа өттүнэн хааччахтаах дьоҥҥо. Хараҕа мөлтөх дьоҥҥо “дуобат” дьиссипилиинэтин киллэрии боппуруоһа эмиэ быһаарыллар. Сиһилии өрөспүүбүлүлэкэтээҕи  «Дьулуур»  успуорт адаптивнай көрүҥнэрин XV Спартакиадатын туһунан https://www.sakha.gov.ru/news/front/view/id/3485108 сигэнэн билсиҥ.