Хаартыска: СИА.
2026 сыл балаҕан ыйын 1 күнүттэн Арассыыйаҕа үрдүк үөрэх саҥа тиһигэр көһүөхтэрэ. Бу тиһик билигин баар «бакалавр» уонна «магистр» көрүҥнэрин солбуйуоҕа. Госдума билимҥэ уонна үрдүкү үөрэххэ кэмитиэтин бэрэссэдээтэлин бастакы солбуйааччыта Ксения Горячева иһитиннэрбитинэн, «бакалавр» уонна «магистр» оннугар сүрүн (баазабай) уонна идэтийбит (специализированнай) үрдүкү үөрэх киириэҕэ.
Сүрүн үрдүк үөрэх идэтиттэн көрөн түөрт сылтан алта сылга диэри салҕаныаҕа, онтон идэтийбит үөрэх – биир сылтан үс сылга диэри буолуоҕа. Бу идэтийбит үөрэх магистратуратын саҥардыллыбыт халыыба буолар, манна идэҕэ, салайыыга уонна чинчийэр үлэҕэ сүрүн болҕомто ууруллуоҕа.
Биир улахан уларыйыынан – урукку бобуу уһулунна: билигин «специалитеты» бүтэрбит дьон идэтийбит үөрэххэ (магистратураҕа) судаарыстыба суотугар киирсэр кыахтаныахтара. Ол эбэтэр, сүрүн бырагырааманы бүтэрбит хас биирдии киһи бүддьүөт миэстэтин иһин күрэскэ кыттар бырааптаах. Аспирантура идэлээх үөрэх туспа таһымын быһыытынан араарыллыаҕа.
Бу уларыйыылар үрдүк үөрэх хаачыстыбатын үрдэтэргэ уонна аныгы кэмҥэ үлэ ырыынагын ирдэбиллэригэр сөп түбэһиннэрэр сыаллаахтар.
РФ Бырабыыталыстыбатын бэрэссэдээтэлин солбуйааччы уонна УИФУо бэрэсидьиэн боломуочуйалаах бэрэстэбиитэлэ Юрий Трутнев «Россия-24» ханаалга “тохсунньутааҕы истиилэр”…
Чурапчы улууһугар Дириҥ олохтоохторо Санкт-Петербург госпиталларыгар эмтэнэр уолаттарга тиһиктээхтик көмөлөһөллөр. Олохтоохтор бэйэлэрэ көҕүлээннэр, нэһилиэк дьаһалтатын…
Бүлүүгэ биир баарга киэһээ икки дьахтар этиһэн турбуттар. Онтон, аны, охсуспуттар. Бу туһунан СӨ ИДьМ…
Тохсунньу 24 күнүгэр Дьокуускай куоракка Саха Өрөспүүбүлүкэтин Уопсастыбаннай балаататын дьиэтигэр "Удьуорбут төрдө-Остуойка" диэн саҥа тахсыбыт…
Дьуһуурунай чаас иһитиннэрбитинэн, полицияҕа Дьокуускай олохтооҕо түөкүттэргэ түбэспитин туһунан сайабылыанньа киллэрбит. 57 саастаах буҕаалтыр дьахтар…
Олунньу 1 күнүттэн 40 көрүҥ босуобуйаларга, төлөбүрдэргэ индексация оҥоһуллуоҕа. Маны тэҥэ, кэккэ уларыйыылар, холобур, Дьиэ…