Хаартыска: А.Сорокин (ЯСИА)
СӨ Ил Дархана Айсен Николаев СӨ Судаарыстыбаннай Мунньаҕар (Ил Түмэҥҥэ) туһаайан этиитигэр 2026 сылга балтараа тыһыынчаттан итэҕэһэ суох дьиэҕэ гааһы киллэрэр соругу туруорда.
«Мин 2024 сыллаахха туһаайан этиибэр туруорбут соругум туолла — биэс сыл түмүгүнэн, гаас ситимигэр 10767 дьиэ холбонно. Билигин саҥа соругу туруорабын – 2026 сылга балтараа тыһыынчаттан итэҕэһэ суох дьиэҕэ гааһы киллэрэргэ”, — диэтэ Ил Дархан.
Кини өрөспүүбүлүкэ гаастааһыҥҥа ылсар тэтиминэн дойдуга алтыс миэстэҕэ уонна Уһук Илиҥҥэ бастакы миэстэҕэ сылдьарын бэлиэтээн эттэ. 2025 сылга «Сахатранснефтегаз» национальнай хампаанньа 396 килэмиэтир гаас ситимин тарта – бу биһиги Сахабыт сирин устуоруйатыгар муҥутуур көрдөрүү. Гаас ситимэ Мэҥэ Хаҥалас улууһун икки сэлиэнньэтигэр уонна Бэрдьигэстээххэ, Чурапчыга тиийэ тиэрдилиннэ. Эһиил эрэгийиэҥҥэ Иенгра, Мууруйа, Бэчэнчэ, Батамай сэлиэнньэлэригэр уонна Өлүөхүмэ куоракка гааһы киллэрии торумнанар. Үөһээ Бүлүү улууһугар, салгыы Ньурба улууһун гаастыыр курдук гаас ситимэ тутуллуохтаах.
Ил Дархан ону таһынан кииннэммит сылааһынан хааччыйыыттан биирдиилээн гааһынан сылыттыыга көһүү наадатын ыйда.
СӨ Ил Дарханын уонна бырабыыталыстыбатын пресс-сулууспата
Бүгүн өрөспүүбүлүкэ Ил Дархана Айсен Николаев Ил Түмэҥҥэ туһаайан этиитин иһиттибит. Түгэнинэн туһанан, “Чурапчы” ТХПК…
Ил Түмэн спикерэ Алексей Еремеев Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр бэйэтин санаатын…
Айсен Николаев Ил Түмэҥҥэ Туһаайыытыгар ыам ыйдааҕы Ыйаахха киирсибэтэх бүддьүөт эйгэтин үлэһиттэригэр хамнаска былааннаммыт үрдээһини …
Сергей Местников, СӨ Бырабыыталыстыбатын Бэрэссэдээтэлин солбуйааччыта: -Ил Дархан Туһаайан этиитигэр бырамыысыланнаска, экэниэмикэҕэ, тыа хаһаайыстыбатыгар ылыллыбыт…
Ил Дархан Айсен Николаев СӨ Судаарыстыбаннай Мунньаҕар (Ил Түмэҥҥэ) туһаайан этиитигэр бырамыысыланнас салаатын тэрилтэлэрэ социальнай…
Бүгүн, ахсынньы 23 күнүгэр, Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр Саха Өрөспүүбүлүкэтигэр …