2026 сылга биэнсийэ ордук үрдүүр эрэгийиэннэрэ ааттаннылар

РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ 3,2 тыһыынча солкуобайга тиийиэҕэ. Бу көрдөрүүнэн иккис миэстэҕэ Ненецкэй АУ турар, онно төлөбүр 2,9 тыһыынча солкуобайынан улаатыаҕа.

Магадан уобалаһыгар уонна Камчаткаҕа биэнсийэлэр 2,8 тыһыынча солкуобайынан үрдүөхтэрэ. Ханты-Мансийскай уонна Ямал-Ненецкэй автономнай уокуруктар олохтоохторугар үрдээһин 2,7 тыһыынча солкуобайынан буолуоҕа. Бастыҥнар ахсааннарыгар Саха сирэ, Мурманскай уонна Сахалин уобаластара (2,5 тыһыынча), ону таһынан Коми (2,4 тыһыынча) эмиэ киирдилэр.

Бу ааҕыылар Социальнай пуонда федеральнай бүддьүөтүн көрдөрүүлэригэр олоҕураллар, ол быһыытынан кэлэр сылтан страховой биэнсийэлэр 7,6%-ҥа индексацияланыахтаахтар.