Хаартыска: М.Васильева (ЯСИА)
2026 сылга биэнсийэ төлөбүрэ иккитэ үрдэтиллэрэ күүтүллэр. Биэнсийэ бастакы индексацията 7,6%-нан оҥоһуллуоҕа уонна тохсунньу 1 күнүгэр ыытыллыаҕа. Бу туһунан Г.В. Плеханов аатынан РЭУ бэрэпиэссэрэ Наталья Проданова кэпсээтэ.
«Биэнсийэ кээмэйэ 2026 сыл тохсунньу 1 күнүгэр үрдэтиллиэҕэ. Социальнай пуонда бүддьүөтүн 7,6%-наах индексацияламмытынан сокуон барылын Госдуума бигэргэттэ. Биэнсийэ индексацията үлэлиир да, үлэлээбэт да биэнсийэлээхтэри хабыаҕа», — диэн Проданова «Подмосковье сегодня» интэриниэт-таһаарыыга иһитиннэрдэ.
Түмүгэр биэнсийэлээхтэр үгүстэрэ ахсынньыга биирдэ икки төлөбүрү ылыахтара — ахсынньы ыйдааҕыны уонна 2026 сыл тохсунньутугар индексацияламмыт биэнсийэ төлөбүрүн. Үрдэтии 40 мөлүйүөн кэриҥэ биэнсийэлээҕи хабар. Тохсунньу ыйдааҕы үрдэтиини учуоттаатахха, үлэлээбэт биэнсийэлээхтэр орто страховой биэнсийэлэрэ 27 тыһыынча солкуобайтан үрдүөҕэ. Өскөтүн 2025 сыллааҕы дьиҥнээх инфляция 7,6%-тан үрдүк буоллаҕына, биэнсийэ эбии индексацияланар.
Иккис индексация муус устар 1 күнүгэр ыытыллар — социальнай биэнсийэлэр 6,8%-нан үрдүөхтэрэ, ити 4,4 мөлүйүөн кэриҥэ киһини таарыйыаҕа. Ону тэҥэ 2026 сылтан сааһынан социальнай биэнсийэҕэ тахсар дьахталларга 64-кэ, эр дьоҥҥо 69-ка диэри үрдүөҕэ, оттон биэнсийэ баалын сыаната 156,76 солкуобайга диэри улаатыаҕа. Атырдьах ыйыгар үлэлиир биэнсийэлээхтэргэ 2025 сыллааҕы мунньуллубут баалларынан төлөбүрдэрин саҥаттан ааҕыахтара, оттон алтынньы 1 күнүгэр байыаннай биэнсийэ 4%-нан үрдүөҕэ.
Саха сирин 11 тыһыынчаттан тахса олохтооҕо МАХ национальнай мессенджерга чат-бот нөҥүө «Мин докумуоннарым» киинигэр (МФЦ)…
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…