2026 сылга страховой биэнсийэлэр, бэтэрээннэргэ уонна Арассыыйа Дьоруойарыгар социальнай төлөбүрдэр индексацияланыахтара. Иккис оҕоҕо Ийэ хапытаала 974,1 тыһыынча солкуобайга, бастакы оҕоҕо 737,2 тыһыынча солкуобайга диэри үрдүөҕэ диэн Үлэ министиэристибэтэ иһитиннэрэр.
Страховой биэнсийэни 2026 сылга биирдэ — тохсунньу 1 күнүгэр 7,6%-нан үрдэтиэхтэрэ. Онон Арассыыйаҕа биэнсийэ орто кээмэйэ 27,1 тыһыынча солкуобайга тэҥнэһиэҕэ. Оттон социальнай биэнсийэ муус устар 1 күнүгэр 6,8% индексацияланыаҕа. Биэнсийэҕэ барыта 13 триллион солкуобай көрүллүөҕэ.
Олунньу 1 күнүттэн социальнай төлөбүрдэр инфляция кээмэйинэн индексацияланыахтара. Сабаҕалааһын быһыытынан, инфляция 6,8%-ҥа тэҥнэһиэхтээх. Ол түмүгэр, Ийэ хапытаала иккис оҕоҕо 974,1 тыһыынча солкуобайга (бастакы оҕоҕо ылбатах буоллахтарына), оттон бастакы оҕоҕо 737,2 тыһыынча солкуобайга тэҥнэһиэҕэ.
Оҕо төрөөтөҕүнэ, биирдэ бэриллэр босуобуйа 28 773 солкуобайга тэҥнэһиэҕэ.
Быйылгыттан 2020 сыл тохсунньу 1 күнүн кэнниттэн төрөөбүт (иитэ ылыллыбыт) оҕоҕо 690 266 солкуобайы ылыахха сөп. Иккис оҕо төрөөтөҕүнэ, 221 895 солкуобайы ылыахха сөп.
Олунньу 1 күнүттэн инбэлииттэргэ, бэтэрээннэргэ, радиацияттан эмсэҕэлээбиттэргэ, Социалистическай үлэ, Сэбиэскэй Сойуус, Арассыыйа Дьоруойдарыгар, Дьоруой Ийэлэргэ төлөбүрдэр инфляция таһымынан, индексацияланыахтара.
2026 сылтан үлэлии сылдьан эчэйиини намтатар, сэрэтэр миэрэлэри үбүлээһин үрдүөҕэ.
Сообщить об опечатке
Текст, который будет отправлен нашим редакторам: