2026 сылга диэри Амма суола аспаалланыаҕа

«Амма» эрэгийиэннээҕи суолу үс сыл устата өрөмүөннээн, аспаалынан бүрүйүөхтэрэ. Бу туһунан Ил Дархан Айсен Николаев быһа эпиир кэмигэр иһитиннэрдэ.

Быйыл суолга 9 килэмиэтири аспааллаатылар, 2024 сылга өссө 31 килэмиэтири оҥоруохтара, ол эбэтэр, суол 76-тан 90-с килэмиэтиригэр уонна 138-тан 155-с килэмиэтиригэр диэри аспааллыахтара.

«Амма» эрэгийиэннээҕи суол уһуна 164 килэмиэтир. 2019-2022 сылларга «куттала суох, хаачыстыбалаах суоллар» национальнай бырайыак чэрчитинэн, үлэ ыытыллыбыта.