Хомунаалынай тиһик тэрилтэлэригэр субсидияҕа 45 млрд солкуобайы тыырыахтара, бу өрөспүүбүлүкэ бүддьүөтүн уопсай ороскуотун 1/7 ылар.
Бу туһунан Ил Түмэн пленарнай мунньаҕар СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников иһитиннэрдэ.
Кини бэлиэтээбитинэн,
Ил Түмэн буолан ааспыт, эрдэтээҥи дьүүллэһиилэргэ бу тиэмэ улахан мөккүөрдээх этэ.
Вице-премьер эппитинэн, сууматын төһө даҕаны улаатыннардаллар, тыырыллыбыт үп ороскуоту бүтүннүү саппат.
2025 сылга бу сыалга 35 млрд солкуобай кэриҥэ үп ыытыллыбыта.
«Хомунаалынай тиһиккэ субсидия көмөтүнэн дьон коммунальнай өҥө иһин төлөбүрдэрэ төһө кыалларынан аччатыллар. Ордук Арктика олохтоохторо, субсидия суоҕа буоллар, ый ахсын уонунан төгүл суумалаах квитанцияны тутуо этилэр.
2026 сылга бу сыалга өрөспүүбүлүкэ бүддьүөтүттэн 349 млрд солк. уопсай ороскуоттан, 45 млрд ыытыллыаҕа. Бу ааспыт сыллардааҕар улахан эрээри, былааннаммыт үп бары оросхуоту саппат. Мин бу хайысха куратора буоларым быһыытынан, дэписсиити бүтүннүү сабар туһугар туруорсабын. Ол эрээри хомунаалынай субсидияҕа элбэх үбү көрдөххө, атын элбэх ыстатыйалары, ол иһигэр социальнай хайысханы сарбыллыан сөбүн өйдүөх тустаахпыт», — диэн кини эттэ.
Дмитрий Садовников эппитинэн, бүддьүөтү тыырыы олус уустуктук ааспыт, ол эрээри дьокутааттар уонна миниистирдэр сөптөөх быһаарыныыны ылыммыттар.
Үп-харчы кэмчи кэмигэр балаһыанньаттан тахсарга ситэриилээх былаас уорганнара кирэдьиити тардыыга уонна атын даҕаны хайысхалары тобуларга үлэлиэхтэрэ.
«Биллэн турар манна үлэҕэ барда. Бүддьүөтү оҥоруу боростуойа суохтук барда. Арааһа кэнники сылга саамай уустук буолуо. Биири этиэм этэ. Билигин үөскээбит уустук экэнэмиичэскэй балаһыанньаҕа төһө кыалларынан сөптөөх быһаарыныыны ылынныбыт», — диэтэ Дмитрий Садовников.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…