2026 сылга ким хамнаһа үрдүүрүй?

Өскөтүн быйыл экэниэмикэ үүнүүтэ бытаарар буоллаҕына, хамнас үрдэтиитин «эккирэтиһиитэ» тохтуоҕа. Бу туһунан ИМЭМО РАН сүрүн научнай үлэһитэ, ВШЭ Үлэни чинчийэр киинин дириэктэрин солбуйааччы Ростислав Капелюшников иһитиннэрдэ.

Кини этэринэн, билиҥҥи туругунан хамнаһы судаарыстыбаттан үбүлэнэр тэрилтэлэр эрэ үрдэтэр кыахтаахтар.

«Өскөтүн экэниэмикэ үүнүүтүн көрдөрүүлэрэ былырыыҥҥытааҕар мөлтөх буоллахтарына (сабаҕалааһын быһыытынан оннук буолара күүтүллэр), хамнас үрдэтиитин «эккирэтиһиитэ» тохтуоҕа. Маны судаарыстыба бүддьүөттэн үбүлэнэр тэрилтэлэр эрэ салгыыр кыахтаахтар», — диэн быһаарда экэнэмиис.

Арассыыйа Баанын бэрэссэдээтэлэ Эльвира Набиуллина олунньу 13 күнүгэр дириэктэрдэр сэбиэттэрин мунньаҕын түмүгүнэн ыытыллыбыт пресс-конференцияҕа, тэрилтэлэр хамнаһы индексациялыыр былааннара былырыыҥҥытааҕар «сэмэйин» бэлиэтээбитэ.